CHAPITRE Vin -D

sont emparchées. Et aussi, pour l'armeure du collier, le mastin est plus hardy et plus animé , et ne seroit pas si tost estrangle' des loups, car il en a plus grand defFense contre eulx. Ce mastin suyt le berger et luy tient bonne compaignie quant il menge son pain, quoy qu'il soit de la deffense : car tel est amy à la despense qui ne l'est pas à la defFense.

Quand le berger a un bon mastin loyal et hardy, il est très-prouffitable à la garde des brebis.

Le berger est aussi noblement paré de sa houlette selon son estât de berger, comme seroit ung évesque ou ung abbé de sa croce, ou comme ung bon homme d'armes est bien acésiné et asseuré quand il a ung bon glaive pour la guerre. Combien que l'on ne doit pas faire comparaison de telles choses : car elles ne sont pas pareilles de trop loing. Et jaçoit que la croce du prélat soit de plus grant dignité et de plus grant honneur que le glaive, ne que la houlette, et que il ayt différence, considérées les choses à considérer selon Testât des personnes :

néantmoins il y a bonne et ydoine convénience, car, selon Dieu, qui est le plus grant, il se doit humilier et soy faire comme le plus petit quant est à humilité, et selon la doctrine de l'Évangile, non pas par tout. Et ces troys choses, la croce, le glaive et la houlette représentent troys estatz en ce monde.

La croce est tenue de nous enseigner et corriger espirituellement sans lance et sans espée, et de prier et supplier humblement à Dieu pour nous, c'est-à-dire pour le glaive et pour la houlette.

Le glaive doit défendre, par sa puissance temporelle et corporelle, la croce et la houlette, de tous les adversaires qui contre raison les vouldroient inquiéter et molester indeuement.

La houlette, qui en ceste partie peult et doit estre comparée à la bêche dont l'en fent et laboure la terre, doit curer au prouffit de la croce et du glaive, à ce qu'il leur puist livrer et administrer alimens et nourriture, du prouffit de son labeur et de sa garde.

Ainsi peult apparoir qu'il y a convé-