CHAPITRE VIII

nience et qu'ils conviennent l'ung avec l'autre, pour soustenir le bien publique chascun en son degré. Pour ce est la houlette convenable au berger, aussi comme la croce au prélat, et le glaive ou i'espée à l'homme d'armes, c'est-à-dire à la seigneurie temporelle qui est en puissance de espée.

Et se les troys veullent faire chascun son devoir, tout est bon et en tous estatz : car, aux champs, à la ville, au moustier, se entreaydent de leur mestier.

La houlette est ferrée d'ung long fer concave en aguisant, et la bouterole où l'en met et fiche le manche long et ront, doit estre bien clère et burnie de terre légière : ou elle est souvent boutée pour chastier les brebis et aigneaux. La hante de la houlette doit estre de nefflier, ou d'aultre bois dur et ferme. Au premier bout de la hante ou baston doit estre le fer dessusdict concave et un peu courbe pour coperet houler la terre légère sur les brebis : car de houler est-elle dicte houlette, A Tau-

yS LE BON BERGER

tre bout de dessoubz doit estre ung crochet de fust, de la nature et essence du bois du manche mesmes, qui tel lepeult trouver, et si non, si soit faict le crochet par adicion d'ung trou ou d'une cheville de estrange bois. Par ce crochet du bout de la houlette sont prises, tenues et acrochées les brebis et les aigneaux, pour visiter s'il y a rongne pour oingdre, pour seigner et mettre à obéissance, et pour y pourveoir de remède.

Avec la houlette convient-il que le bergier ait baston et que il ait corgées de trois lanières de cuyr ou de trois cordeles menues, pour corriger et chastier les brebis en temps deu : car 'grans biens et grans proffitz viennent de la bonne correction.

Il affiert au bergier que il soit affublé d'ung grant chappeau de feutre rond et bien large. Et par devant, sur le chef, doit estre redoublé de plaine paume ou plus. Le redoublement est nécessaire pour deux choses. L'une pour défendre le berger de la pluye et mal temps, quand il va contre vent après ses bre-