CHAPITRE XI f)D

commencent à croistre, et leurs membres se forment, le berger leur doit donner du fourrage pour leur nourriture :

c'est assavoir du foing et de l'avaine : et aulcunes fois de la vesche déliée : non pas de la plus grosse, et ung pou après, de l'aultre. Et doit-on bien adviser que on ne leur donne trop de vesche : car elle est trop forte. Et au commencement, leur doit-on donner de l'avaine, meslée avecques bran que aulcuns nomment gruis ou tierceul. Et doit le berger eschever que il ne donne aux aigniaulx trop à boire en leur estable : car planté boire leur nuyroit. Et qui leur veult donner à boire, pour en avoir esbatement, mette de l'eaue clère en ung bacin ou chaulderon, ou aultre beau vaisseau bien cler et bien escuré : car les aigniaulx se mirent voluntiers au vaisseau cler, et y prennent grand plaisance. En tous ces points doit le berger estre curieux.

Et quant à la garde et gouvernement des aigniaulx et antenois, doit garder bien et diligemment la doctrine dessusdicte : espécialement que bouveraude ne

g6 LE BON BERGER

dauves ne leur puissent nuyre. Et, en oultre, audict mois de Mars, le berger doit eschever curieusement que ses aigniaulx il ne mette soubz la répercussion du soleil : car, en ce mois de Mars, le soleil est au signe du mouton, qui est fort et vertueux. Et lors le soleil, par sa grand vertu, pénètre et perse de ses rais jusques au cerveau des aigniaulx et leur engendre une merveilleuse maladie que l'on appelle avertin : qui les fait tournoier, dont ilz sont tous escervelez, et en affolent et meurent par maintes fois.

Item, audict mois de Mars, le berger ne doit donner à boire à ses brebis ou aigniaulx, se ce n'est en cas de grand nécessité : comme contre l'herbe bouveraude, ou pour trop grand chaleur de soleil, et, se besoing en est, leur doit faire boire eaue courant, s'il estoit en lieu où il en peust recouvrer. La cause pourquoy on doit faire abstenir les brebis de boire, au moys de Mars, est pource que lors les eaues ne sont pas bien saines, pour les mutations de l'air et du temps : qui est tourné en ver que l'on