CHAPITRE XII

se il fait bon pasturer, ildoit incontinent mettre hors ses brebis et les mener champaier. Et qui fréquente les champs, il doit bien adviser selon les vens et les nuées : car il y a aulcuns vens, lesquelz chassent les nuées et les bruynes devant la face du soleil : parquoy Tair devient pur et serain et fait beau temps. Et aulcuns autres acueuvrent l'air de nuées et amainent la pluye, et mesmement ung des vens que l'on appelle plongel^ qui vient de devers Occident : car il fait le temps pluyieux, de son soufflement. Si voit-on tout communément que, audict moys d'April, souloie venter et souffler ung vent que l'on nomme galerne, qui vient de devers Septentrion, entre Occident et Bise, plus souvent que nul des aultres, lequel vent de galerne les bergers le mauldissent , et le pays dont il vient. Le berger, par généralle doctrine, doit avoir considération aux temps et aux vents, tant au moys d'Avril comme es aultres moys de l'an. Et doit eschever le berger, que il ne maine ne conduise ses brebis en pasture contre le vent de

solerre que aulcuns appellent Nort :

qui vient de devers Midy : lequel est nuysant et dommageable aux brebis :

car il les fait enfler de son esperit et de son soufflement. Si le doit le berger eschever en tant que il peult : car il advient souvent que, quand les bestes en sont enflées, il y convient mettre remède par seignée ou aultrement.

Comme cy après en sera dit plus à plein des cures et des seignées.