DU MOYS DE MAY

u mois de May, est le temps doulx et serain, et ne fait pas encore trop chault : et est tout flory sur terre : car elle a lors vestu sa belle robbe qui est aorne'e de plusieurs belles florettes de diverses couleurs es bois et es prez : et sont lors les pasturages tous

pleins de belles herbes et tendres. Au mois de May, a-l'on coustume de tondre la laine des moutons, des brebis portières, des antenoises, et des aigniaulx : car lors est la laine meure. Et aussi plus convenable et trop plus prouffitable chose est de dépouiller lors et tondre les brebis, que en nul aultre temps : tant pour la chaleur attrempée du temps, comme pour l'aisement de la pasture.

De la manière de tondre les bestes dessusdictes, et comment on les doit prendre souef : et lyer les pieds d'une lanière ou d'une cordelle de laine molle, pour moins blecer : et du surplus de faire la tonsure, que l'on doit faire le plus prouffitablement que l'on peult, ne sera peu ou ne'ant parle' en cest traicté : pource que la tonsure n'est pas de la propre essence du droit art du mestier de la bergerie. Car, combien que ce soit des dépendances, toutesfois les bergers n'ont pas coustume de tondre leurs brebis. Et pour ce, s'en passe ledict Jehan de Brie.

Au dit mois de May, doit le berger mener ses bestes lart aux champs : et