REMEDE DU RUNGE PERDU

CONTRE le runge perdu qui vient aux brebis quand elles mengent d'une herbe, laquelle on appelle poucel, le remède est tel : que le

berger, si tost qu'il apperçoit que la brebis a perdu son runge, et le scet parce qu'elle rent eaue verte par la gueulle : lors si la loeste est malade, il doit ouvrir, de la pointe d'ung coustel, la gueulle soubz la langue : et d'une aultre beste femelle en la gueulle de la loeste sur la langue : et luy doit mener les mâchoires tant qu'il la voye menger et ronger. Et si la beste qui a perdu son runge est femelle, on lui doit donner du runge d'ung mouton chastris ou masle.

Faire comme dessus, si trouvera garison.