CHAPITRE XLIV

REMEDE DE L YRENGNIER

ONTRE la maladie que Ton appelle yrengnier, laquelle les bestes preignent en mengeant le muguet sau-

vage.

le remède est tel

que le berger doit visiter ses brebis curieusement, et, quand aulcune est enflée de ceste maladie, il luy doit premièrement fendre les oreilles, et se par les oreilles sault le venin jaulne ou aultre, il doit savoir que la beste est en péril de mort, et luy doit fendre et trencher le cuir du museau et du visaige au plein, mesmement d'ung canivet : et hors des vaines en plusieurs lieux : car, par les jarsures, sault hors le venin de ladicte couleur jaulne. Et pour garison, le pa-

steur doit prendre d'une herbe appelée roynette, qui croist es gaschières, et a une petite fleurette ronde. Et doit froter rherbe entre ses mains, et après froter le museau de la beste. Et s'il ne peult promptement finer de l'herbe de ladicte roynette : preigne de la fueille de poreaulx et en face jus, et ce jus soit mis sur le museau de la beste es lieux blessez : si trouvera garison. Et quand les bestes sont ainsi malades et desgoutées, le berger leur doit donner à menger des miettes de pain meslées avec sel. Et ainsi doit faire, et les garder par l'espace de trois jours, pour leur donner goust de menger, et, pour donner goust, boute une herbe dicte vervaine, qui donne planté de laict aux femelles : mais, pour ce qu'il est froit, il n'est pas expédient que les moutons en mengent ne usent, au moys de Septembre, quand ilz sont en estât ou saison de saillir et luyter les brebis portières.