CHAPITRE XLVII

C*68t rintroducion que monsg' de Bethencourt a baille aux

Canariens crestiens baptisez.

Premièrement il est vng seul Dieu tout puissant qui au comencement du monde forma le ciel et la terre, les estoilles, la lune et le soleil, la mer, les poessons, les bestes, les oisiaulx, Tomme nommé Adam. Et de l'vne des costes forma la feme, nommée Eue, la mère de tous vyuans, et la noma Virago, famé de ma coste. Et forma et ordonna toutes les choses qui sont soubz le ciel et fit vng lieu moult delittable nommé paradis terrestre, là où il mist Tomme et la femme. Et là fut premièrement vne seulle feme coniointe en vng seul home: et qui autrement le croyt, il pèche. Et leur abandonna à manger de tous les frujs qui là estoient, exceté d'vn, lequel il leur deffendit expressément. Mais tantost après par Tannortement du Diable, qui se mist en guise d'vn serpent, et parola à la femme et lui fit menger du fruit, lequel Dieu auoit deffendu, laquelle en fit menger à son mari. Et par se péché les fit Dieu bouter hors de paradis terrestre et de délices, et donna trois maledicions au serpent et deulx à la feme et vne à Tomme. Et de là en auant furent condampnées les âmes de tous ceulx qui auant la resurecion nostre Seigneur Ihesuscrist trespassoient , lequel voult prendre char humayne en la vierge Marie pour nous tous rachater des paines d'enfFer où tous aloient iusquez au temps dessus dit.

76 LE CANARIKN.