CHAPITRE XLVIII

De mesmes exemple de Tarche de Nooel pour introduire ceulx de

Tille.

Et après que les gens commencèrent à multiplier sur terre ils firent moult demaulx et d'orribles péchés, de quoy nostre Seigneur se coursa [et] dit qu'il pluuroit tant qu'il destruyr oit toute char qui estoit dessus terre. Mais Nouel, qui estoit homme iuste et Dieu craingnant, trouua grâce deuantlui, auquel il dist qu'il vouloit destruyre toute cher de l'omme iusquez aux oisiaulx, et que son esperit ne demou[r]roit mye en l'omme parmanablement, et qu'il amenroit les jaues du déluge sur eulx, et lui commanda qu'il fit vng arche de bois quaré, poUi, et qu'il oindroit dedens et dehors de bettuun (betuun est vng glu si fort et si tenant que quant deulx piesses de fait en sont assemblés et iointes on ne les peut par nul art desassembler si non par sanc naturel de fleur de femme, et le treuuc l'en flotant es grans lacs de Indie, sur les aygues) et qu'elle fut de certaine longeur et largeur là où il mestroit sa femme et ses trois filz et leurs trois femmes et de toutes choses portans vie, mist auescques luy vne paire de chacun, de quoy nous sommes tous issus après le déluge. Et quant ilz virent qu'ils furent multipliés grant nombre^ vng nommé Nimbrod ^ vont rener

1 Ce mot est illisible dans le ms. Bergeron et M. Ms^or ont écrit Nimbrod. Nous les avons suivis, parce que c'est en eflet de Nemrod que l'auteur a voulu parler.

par force et s'assemblèrent tous en vng champ nommé le champ de Sanaar et ordonnèrent à comprendre de comun les trois partiez du monde, et que ceulx qui estoient dessendus de Sem, Taisné filz Noé, tendroient Asye, et ceulx qui estoient dessendus de Caam, l'autre filz Noué, tendroient Auffrisque. Mais anchois qu'ilz se départissent, ils commencèrent vne tour si grande et si forte laquelle il vouloint quelle vensist iusquez au ciel en perpétuel memore d'eulx. Mais Dieu, qui veoit qu'ils ne laisseroient leur ouurages, leur confondi leur langagez en telle manière que nul n'entendoit la vois de l'autre. Et là furent les langagez qui au iour d'uy sont et puis enuoia ces anges qui firent si grant vent venir que ilz abbatirentla tour iusques près des fondemens qui encores y paroist, se dient ceulx qui les ont veues.