AU ESS
12 Juin 1291. — Sentence arbitrale rendue par Geffroy de Châteaubriant entre Maistre Guillaume Lelier, mandataire d’Hugues le Brun, Seigneur de Fougères, et Guillaume de Montborcher, Escuyer, au sujet de créances réciproques que ceux-ci prétendaient nées entre leurs pères respectifs et tenir l’un envers l’autre en tant qu’héritiers des susdits.
Sachent tous que en nostre court à Renes personnellement establis M° Guillaume Lelier clerc, seneschal et procureur de noble homme Hugues le Brun comte de la Marche et d'Angoulesme et seigneur de Fougères d'une partye, et Guillaume de Montborchier, escuyer de l'autre, reconnurent en droit en nostre dite cour que comme contens eust esté ça en arrière esmeu entre ledit comte d'une partye et ledit Guillaume de l’autre sur ce que ledit comte demandoit audit Guillaume neuf cens livres demourans de quatorze cens livres qui luy estoient deües, si comme il disoit par une composition et par la pez qui avoit esté faite entre feu Raoul de Fougères de une partie et feu Gefflroy de
(a) R, fo 99 vo.
LTD Le
Montborchier de l'autre, sur plusieurs contens qui avoient esté esmeus entre eux sur un grand charroy de vins que Monsieur Geffroy de Monthorchier, père dudit Guillaume el son essor avoient fondus et degastez ou chemin de Amont, pourquoy ledit comte de la Marche demandoit à avoir les neuf cens livres comme principal hoir que il est (M) dudit Raoul de Fougières et sur ce que ledit Guillaume demandoit audit comte la seigneurie la justice el les demaines de paroissages de Sens et de Viezvis sur Couasnon; disant ledit Guillaume de Montborchier lesdites choses à luy appartenir par raison de droit héritage ; lesquelles choses contredisoit ledit comte de la Marche, disant et proposant par devant luy que lesdites choses lui devoient demourer par la composition et par la paix faite entre feu Raoul de Fougères ayeul dudit comte, et ledit Geffroy de Montborchier, père dudit Guillaume, en la parlin sur tous lesdits contens et sur tous autres qui pourroient estre eus el esmeus se compromirent lesdits M° Guillaume en nom de procureur dudit comte d'une partie et ledit Guillaume de l'autre haut et bas à peine de mille livres, si comme ledit procureur et ledit Guillaume de Monthorchier recognurent en nostre dite cour en noble homme Monseigneur Geflroy du Châteaubriant Chevalier, lequel chevalier prist le letz du compromis sur soy et dist et ordonna sur tous lesdits contens o l’assentement dudit procureur et dudit escuyer en celle manière qui s'ensuit si comme ledit procureur el ledit escuyer reconnurent en nostre dite cour : C'est asçavoir que ledit comte donroit et payeroit par bien de paiz audit Guillaume de Monthorchier huit vingts livres de monnoyé courante une fois payées, desquelles” ledit Guillaume de Montborchier se tint pour bien payé dudit procurateur en nostre dile court en pécune nombrée, sans ce que luy ne ses hoires en puissent jamais rien
(db) Lire ayt.
demander audit Comte ne ses hoirs et lesdites Justices, les seigneuries et les demaines desdites pareusses demeurent el demourront à toujours, mais audit Comte et à ses hoirs et à ses successeurs sans ce que le Guillaume ne ses hoirs ne ses successeurs li en puissent faire demande en nul temps que à venir soit, et demeure et demourra ledit Guillaume en la foy en l'obéissance et en la ligence dudit Comte de la Marche et de ses hoirs toujours mais luy et les siens hoirs de Montborchier et des apparltenances en la manière qu'il estoit par devant et dyst et ordona ledit Monseigneur Geuffroy de Chasteaubrient que toutes les lettres qui avoient esté faites ça en arrière pour ledit contenz entre lesdytes parties estoient annulées et de nul pooir sans lesquelles puissent jamais aidier audit Comte contre ledit Guillaume ne audit Guillaume contre ledit Comte exceptées icelles lettres qui parlent hautement de l'obeissance de Monthorchier si comme ledit procureur et ledit Guillaume de Montborchier recognurent en nostre dite cour, el à toutes cestes choses et chascunes tenir et encontre non pas venir le devant dit procureur et ledit Guillaume de Montborchier présent et consentant et reconnoissant toutes ces choses devant dites estre vrayes. Condamnons et jJugeons que le jugement de nostre dite cour par les propres sermens de leurs corps sur ce donnez en nostre dite court de toutes cestes choses et chacunes tenir et encontre non pas venir. En tesmoing desquelles choses le seel estably pour nous à Renes fut à ces lettres mis et apposé à la requeste dudit procureur et dudit Guillaume ensemble o le seel de quoy l'en use pour ledit comte à Fougères que ledit procurateur mit à ces lettres, et ensemble o le seel dudit Guillaume de Monthorchier, sauf nostre droit et nostre saisine et à tous autres seigneurs. Donné fut le jour de mardy après la Pentsecoste l'an de grâce 1291.
