LXXXVI
12 Mars 1347. — Avenantement d’une partie des biens de Colin Obery Jusqu'à concurrence d’une somme de 20 livres qu'il doit à la Comtesse d'Alençon.
À tous ceux qui ces présentes lettres verront ou oiront Raol de Roilly garde du séél des obligations de Baillie de la Vicomté de Roen ez siège de Couchis ® salut. Comme Colin Obery de la parroisse decuy fust tenu envers noble et puissant Dame Madame la Comtesse d'Alençon en une amande de vint livres du temps passé. Et il eust esté commandé au sergent à qui il appartient que il contranisit et justicast le dit Collin pour payer la dite amande. Et le dit sergent se fust transporté sur les biens du dit Collin et il n'y eust pas trouvé de quoy satisfaction peust estre faicte des vint livres dessus dilz. |
Sachent tous que par devant Jean Moffre clerc tabellion juré fut présent Pierre de Coulance sergent qui accorda par son simple sermant que il avoit fait bien et deumant les bans et les préconisations a oye de la dite paroisse par trois dimanches continuez si comme 1l est à faire el cas des héritages au dit Collin jurez et apprésagiez par les prudeshommes dont les noms ensuivent. Premièrement Jean Sarradin, Jean Beaudaire, Richard Challes, Rogier Toustain, Robert Aallot, Rao le Graintrel, Gervaise Sadoir, Guillaume Renard, Robert la Morex, Richard Tourne du Vivier, Richard du Homné et Honi Chaalles : lesquels jurèrent par leurs sermans par devant le dit tabellion et par devant le dit sergent que-une pièce de terre contenante trois vergées et demye par mesure assises en la dite parroisse es basses festes entre Estienne Lefèvre par raison de sa femme d'une part, et Estienne Preudhomme d'autre, valloit bien et loyallement dix et sept livres et dix sols tournois franche
(CAS OS CS LU DCR (1) Lisez : Conches.
et quitte par le chevallaige. Item une vergée et trois quarüers de terre a prendre en une vien contenant une asre assis en la dite parroisse et val de moulins entre Roger Toustain d’un costé et le dit Collin Aubery d'autre à prendre par devers Roger Toustain valloit bien et léaument quatre livres et sept solz six deniers franche et quitte par le chevallaige. Ainsy qu'il y a d'abondant les vint livres dessus diz trante sept solz qui sont pour treiziesme et pour livroison au sergent a tenir a avoir paisiblement a persoier les heritages dessus diz a la dite Madame, à ses hoirs franchemant quittemant sans réclamance, débat contredit ne empeschement sur ce dores en avant estre faict. Et ce que ledit sergent et ledit tabellion ont tesmoigné nous tesmoignons soubz le séél dessusdit estre vray sauf autruy droit. Fait l’an mil trois cens quarante six le jeudy avant la S' Grégoire et mesmement par devant homme saige et pourveu le vicomte de Trun furent présens le dit sergent et lesdiz prudes hommes qui tesmoignèrent les choses dessusdictes estre vrayes si comme 1l appert par le mémoire dont la teneur ensuil :
EL plaiz de Scouchie © {enuz par nous Vicomte de Roen l'an mil trois cens quarante six le douziesme jour de mars furent présens Pierre de Coulonces sergent recorda que il avoit fait les bans par trois dimanches continuez des héritages dont mention est faite en la cédulle cy annexée et les hommes dont les noms sont en la dite cedulle qui jurèrent par leurs sermans que il avoit juré les diz héritages au prix contenu en la dite cedulle et quetant valle bien et loyallement. Et fut présent Collin Aubery qui se consenti à la dite jurée. Parquoy donné fut en mandemant au tabellion de Scouchie ® que 1l en fasse lettres selon ce qu'il est à faire ou cas. Donné comme dessus, lequel memorial et cedulle sont demorrez par devers le tabellion parce que la teneur de la dite cédulle est encorporé en cette lettre. Fait comme dessus.
(1) Lisez : Conches.
EABLE ANAILIYTIQUE
