I. Chersonèse

LA COSMOGRAPHIE

destroict de l’entrée de la mer Olipont. Et icy fut où Cesser, roy des Persiens, feit le pont des navires pour passer son nau contre les Gréez et Macédoniens, auquel les Gréez rompirent le pont et le déchassérent de Grèce par force d’armes. Alexandre le Grand, filz du roy Philippes de Macédoine, en se voullant venger du roy Cersés, passa en Azie et print toute ladicte Azie et la Perse et Médye et l’Indye jusques cà la rivière Ympanis ’ ; et delà s’en retourna en Babillone avec ces gens, et delà expédia tous ceulx qui s’en voullurent retourner en leur pays de Grèce, et leur donna de grandz dons ; et aulcuns demourérent avec lui qui ne le voullurent abandonner. Et après, parce qui ne s’en voullut retourner en Grèce, luy baillèrent de l’herbe de poison de laquelle il mourut - . Et après furent marriz de sa mort, eulx voyans desnuez de conseil. Et icy furent divisées ses terres et seigneuries à tous ses chevaliers. Et tumba pour la part Ptholomée, son grand amy, la partie d’Egvpte. Lequel print le corps dudict Alexandre le grand et le feit porter en la ville d’Alexandrie, laquelle il avoit fait édiffier pour illec estre ensepvelly. Il est certain que ledict Alexandre conquesta jusques à la rivière du Gange. Et icy lui sembla estre seigneur de l’universel monde, et Aristote luy dist que jusques adce qu’il eust faict descouvrir ladicte rivière tout de long, qu’il ne se dict poinct roy du monde universel. Pour ce envoya deux cappitaines en deux fustes par la rivière, lesquelz furent par ladicte rivière l’espace de trois moys, et vindrent jusques à ung chasteau nouvellement basty