L’Hyphase ; aujourd’huy Le Bia, rivière de l'Inde
2. Alfonse se fait, comme bien d’autres, l'écho de l’empoisonnement d’Alexandre par Antipater.
LA COSMOGRAPHIE
et tort riche d’or et de pierres précieuses. Et, audict chasteau, y avait une chaine qui traversoit ladicte rivière de l’aultre cousté, et travaillèrent bien de passer oultre. Mais oncques ilz ne peurent passer L Et en regardant à une fenestre, virent ung homme fort vieulx, lequel avoit la barbe toute blanche, et se rioit d’eulx ; auquel demandèrent pourquoy il se rioit ; ausquelz feit response qu’il se rioit, parcequ’ilz voulloyent passer de l’aultre coustè, parce que jamais n’y passa qui en peult retourner. Et, k l’heure, le viel homme leur demanda qu’ilz estoyent. Et ilz luy dirent qu’ilz estoyent cà Alexandre, seigneur de l’universel du monde ; et il leur dict : « Retournez vous en et vous en allez devers luy, et luy dictes qu’il n’a pas conquesté la quarte partie du monde. » Et tira, ledict viel homme, ung haneau hors de son doigt, auc]uel y avoit ung oeul au lieu d’une piarre, et estoit ledict oeul d’une personne humaine, et leur gecta dedans leur navire, usant de telz ou semblables motz : « Allez, retournez audict Alexandre et luy baillez cest haneau, affin qu’il croist que vous estes venuz icy, » ce qu’ilz feirent. Et eulx, de retour, trouvèrent Alexandre auprès de la rivière et luy baillèrent ledict haneau, et lui dirent ce que le viel homme leur avoit dict. Alexandre feit appeler ses philosophes pour sçavoir que signiffioit cest haneau, ce qu’ilz ne peurent dire. Et lors ilz feirent venir Aristotèles auquel il demanda que signiffioit ledict haneau, et il luy dist : (c Seigneur, garde le bien, car il vault plus que tout le trésor que tu possède. » Et luy demanda comment
I. En tête du folio 77 recto, une carte avec les légendes : Turquie auprès de Constantinoble, l’entrée de la mer Allipond.
LA COSMOGRAPHIE
le sçavoil ; or, dict Aristote : « Je le monstreray. » Et feit faire ung poys et une ballance. Et Alexandre mist toutes ses bagues, joyaulxet richesses dedans une desdictes ballances,et Aristote print l’anneau et le mist en l’autre ballance. Et pesa ledict haneau plus que toutes lesdictes bagues, joyaulx et richesses dudict Alexandre. Puis, après feitoster tout le trésor dudict Alexandre, et, au lieu d’icelle, mist une paille, et pesa ladicte paille plus que ledict haneau, combien qu’il feist adjouster et mectre une pougnée de terre dessus ledict oeul. Cela voyant, Alexandre se troubla fort, auquel dict Aritoste : « Seigneur, cest haneau vault et pèse plus que tout ton trésor, et couvert de terre ne pèse pas une paille. Ainsi sçauras tu quant tu seras couvert de terre, et le garde bien, car cestuy icy est l’universel monde de quoy tu dictz estre seimeur. » Et Alexandre dist audict Aristote : « Par-
ceque tu veoys que je ne l’estime point, regarde. » Et print ledict haneau et le gecta en la rivière en disant qu’il ne l’estimoit point. Et après estre gecté en l’eaue, il demoura dessus comme une plume, et commença à regarder Alexandre, et veid comment il s’en alla toust la rivière en hault dont il estoit venu, et, en regardant, le perdit de veue, et demourérent tous esbahis et esmerveillez. Et de ceste occasion, Alexandre s’en retourna, et dict l’on qu’il est vérité qu’il envoya certains cappitaines par la mer , lesquelz entrèrent par le Gange , et s’en retourna Alexandre à Hipanise ', qui est auprès du Gange. Et veullent dire aulcuns que Paradis terrestre est aux montaignesqui sont auprès du Gange, du coustè du septentrion. Retournant cà
I. Serait-ce Hyphasis, affluent de l’Indus et qui est au nord des sources du Gange? V, plus haut.
LA COSMOGRAPHIE
nostre propox, les Gréez et Macédoniens, au temps de Jasonet Hercules, estoyentgens qui ne sçavoyent combattre en guerre et n’usoyent point d’armes. Ceulx d’Italye les vainquirent légèrement et quant ilz ce veirent subgectz, f» 78 r. se accoustumérent aulx faietz d’armes, et furent si fortz et vaillans que les histoires ne font mention de si vaillans gens que eulx, au temps passé, dont doibvent prandre exemple tous princes et seigneurs qui ont charges de deffendre et gouverner le peuple, de faire user et tenir armes à leurs subgectz et user d’icelles, et à icelles s’exercer. Car elles font les hommes estre hardiz. Beaucoup de choses se pourroyent dire de Grèce, mais pour le présent il suffit. Car ce ne faict riens à nostre matière. Et de Polistre ‘ va la coste jusques au cap de Constantinoble qui est l’entrée de la mer Echoine dicte Olypont. Constantinoble est ung bon port et belle ville grande, et est la principalle ville de l’Empire de Constantinoble et de toute la terre de Grèce, et est selle en laquelle a eu plus de faietz de guerres que en toutes les villes du monde, après Rome, et a eu son nom de l’empereur Constantin, lequel feit faire le palais royal; et a esté longtemps possédée par les Romains, et de présent la possède le grand Turc. Et du cap de Constantinoble tourne la coste par la mer Echoine ^ au nord et quart de norouest, quarente lieues, jusques au port de Moncibre qui est bon port. Et icy y a une belle ville. Constantinoble est à quarente et six degrez de la haulteur du polie articque. Et Moncibre ^ est à quarente et huyt. Et de Moncibre gist la coste l’est et ouest jusques
