Marche de Styrie ou de Steyer
6. Sans aucun doute la petite rivière dePetrinia, affluent de la Save, et sur laquelle se trouvait la ville qui porte aujourd’hui ce nom.
LA COSMOGRAPHIE
régale et la Grambide qui sont provinces. Et après celles icy est la province de Panonye la grande et Panonye la petite, et ceulx icy ont, au septentrion d’elle, Ongrye. De l’austre cousté du Dénubre, entre la montaigne Carpate et le Dénubre, est la province de Panonye. Et, à Faustre midy de toutes ces provinces, sont les provinces d’Esclavonye qui sont au long la mer Adriane. Ongrie est royaulme sur soy et est bonne terre, et d’Ongrye en oriant sont tous Turcs. Les gens d’Ongrie sont petitz de corps, bien formez et vaillans gens, fort robustes, de dures conversations, et ont de fort bons chevaulx légiers. La terre est bonne terre 1ertille, et se ceulle, au long les rivières, de For fin, et aulcune partie est déserte. Et aux désertz y a forces bestes saulvaiges, et de belles rivières, estangs et fontaines d’eaue doulce, et y a de belles villes. Et les plus grandes d’Ongrie sont celles cy, la ville de Bude. Austrie est une grande province et est la plus prouchaine d’Ongrie, et y a de bonnes villes et de bons chasteaulx, et la plus grande d’icelle est la ville de Vienne. La terre est bien fertille de tous vivres, excepté de vins. Mais est terre froide, et y a forces chasses et délectations de toutes choses. Les gens sont belles gens, bien dispostz (ou despotz), adonnez à la chasse, et sont de bonne complexion, et les plus gracieux de toute FAllemaigne, lesquelz sont fort adonnez à plaisance. Ceulx d’Austrie et d’Ongrie sont voisins et prouchains voisins des Turcs. Et de ces provinces, au long ses rivières du Dénubre jusques cà la mer Olipont, sont tous Turcs. Et tout au long la coste de la mer, et vers le fondement de la rivière d’où elle vient, sont tous Xprestiens, et s’appellent les Allemaignes. En oriant d’Ongrie sont les
LA COSMOGRAPHIE
provinces icy nommées, la province d’Aucastre (ou d’Ancastre) et la province de Transilvanye et Vallachie la grande, lesquelles sont toutes entre la rivière du Dénubre et les montaignes Carpates et Silvye, Incinye (ou Jucinye) et Dacye, qui sont toutes montaignes ainsi appelées. Panonye est en oriant, à l’austre midy de la rivière du Déneuble. La province de Panonnye est entre 79 v”. le Dénubre et les montaignes de l’austre midy. Et la province de Bocinye et Servye qui sont au septentrion de Dalmacie, depuis Missye et Dardanie, qui sont auprès du Dénubre et les gens Troclodites, toutes ces terres sont à la subgection du Turc. Et auprès de la province Troclodite est la province que l’on appelle la Grand Turquye qu’est en la terre de Missye. Tous les gens d’au long la rivière du Dénubre et Troclodite, sont maulvaises gens et grandz guerriers. La terre est bien fertille de pain et de bestial et d’herbaiges. Et la terre est fort froide au long la rivière du Dénubre, et ont leur grand jour et nuict de dix sept heures, et ceulx de Grèce, de quinze et quinze et demye. Versle septentrion du Dénubre, auprès de son entrée en la mer, est la province de Missye la Basse, et se dict ainsi Basse pour ce que toutes les choses qui sont auprès de la mer s’appellent la Basse, pour raison que toutes les eaues et rivières descendent en la mer ; et n’y descendroyent pas si la mer n’estoit plus basse que la terre. Et pour ce se dict la province de Missie la Basse, comme nous disons la Basse Bretaigne, la Basse Normandie et la Basse Bourgongne. Et aussi s’appellent les gens Dacces et Misses, comme nous appelions les Bretons et les Françoys. Et de ceulx icy y en a deux nations. Les ungs habitent aux montaignes et les aultres le long des rivières du
Alfonsb
LA COSMOGRAPHIE
Dénubre. Et ceulx cy ont esté ung temps qu’ilz ne sçavoyent que c’estoit que de la guerre, ne armes, et vivoyent communément les ungs avec les aultres, de sorte que tout estoit commung entre eulx. Et leur mangé estoit chose de bestial comme chair, lait, beurre et fromaige, jusques ad ce qu’ilz eurent pour seigneur et cappitaine ung nommé Barronis, ung homme vaillant chevalier et noble , lequel leur montra à jouer de toutes armes, et en peu de temps furent dextres aux armes. Et ainsi dextres aux armes, passa avec eulx la rivière du Dénubre et print et conquesta la province de Thracie et la Grèce, et fltalie et Lombardie, et toutes les provinces au delà du Dénubre. Et passa les montaignes Alpes et conquesta la Gaulle et Espaigne et une grand partie de la Germanye. Et feit beaucoup d’aultres choses en armes. Et, après sa mort, se divisèrent et départirent ses terres et seigneuries en beaucoup de provinces. Et les Romains en eurent une grande partie. Et depuys, en la terre de ceulx icy, en y eust ung nommé Gipte, lequel vint en Grèce et apprint la philosophie, et delà se passa en Egipte. Et puys après revint en sadicte province de Egypte, et remonstra à son Roy à honnorer les Dieux que en cedict temps ilz adoroyent. Et se feit adevin, et disoit les choses venues et à venir, de manière qu’ilz croyent en luy comme en Dieu, et estoit conseil et conseiller du Roy de ladicte province. Et s’enferma dedans une cisterne, et icy faisoit vie sollitaire et de pénitence. Et nul ne descendoit avec luy, sinon la personne du Roy, et celluy qui le servoit, et jamais ne voullut prandre famme ny aulcunement les veoir. Et d’icy demeura exemple, que ceulx qui seroyent au service du temple.
LA COSMOGRAPHIE
n’auroyent point de femmes ny ne les verroyent point et ne mangeroyent point de chair, parcequ’il n’en mangeoit point. Et cesdictes gens Gétes ne mangeoyent point de chair et vivoyent de lait et de fruictz et d’aultres choses. Pour raison de quoy les moines et religieux ont ensuivy sa doctrine, que beaucoup de foys ne mangent point de chair, et d’aulcuns n’en mangent jamais. Et encores, à ceste heure, ces gens Gites vivent de ceste loy, et sont vaillans gens, et leur sont toutes choses communes, et ne congnoissent choses leur estre propres et à eulx appartenir, si non la lance et l’espée, et en manière que les femmes et les enffans sont communs. Et en yver ilz habitent au long la rivière du Dènubre, et en l’esté sur le hault des montaignes, et ne font point de mal qui ne leur en faict. Et qui leur en faict, ilz se dèffendent vaillamment ; et ne font point de maisons, et habitent parmy les champs en cybanes (sic) et tantes et en cavernes. De la nation de ces Gites, sont venuz les Roys de France et de la Germanie, lesquelz nous appelons Gotz, car Gite est à dire Gotz. Il y en a aulcuns qui veullent dirent qu’ilz viennent de Gozie et de Paponnie, lesquelz proprement sont appelez Paponnez et Gotz. Toutesfoys ilz sont venuz de ces Gites qui sont les plus vaillans gens de toute l’Europe. Vous debvez sçavoir qu’ilz dessendent des Gectes qui sont au long le Dénubre, et Gètes est à dire Goce. A ceulx icy Gites, passa le roy Alexandre de Macédoine pour les subjuguer. Mais il les trouva si fortz qu’il ne les peult jamais gaigner, sinon qu’ilz luy laissèrent les champs au long la rivière, et se retirèrent aux montaignes, et la tindrent fort. Et luy voyant qu’il ne pouvoit riens faire, les laissa en pacience, et feit paix avec
LA COSMOGRAPHIE
eulx. Auprès de ceulx icy, devers le septentrion, est la Rousie, auprès des montaignes appellèes Silves ' et Jacinies, ceulx icy, du coustè d’oriant, en la province de Nomandes (pu Nomaudes), qui est entre le Dènubre et la rivière Boris, qui est au long la coste de la mer, et le peuple s’appelle Latifaige. Et ceulx icy vivent comme pasteurs, et, pour ce, on les appelle Nomades qu’est à dire pasteurs, et vivent justement et communément. Ceulx icy et les Gètes sont les plus justes que l’on puisse treuver en toute l’Europe. Entre eulx et la rivière du Dènubre, est la province de Messie la petite qui joinct au Dènubre, là où est la ville de Ballachie. La rivière de Boris est bonne rivière et descend de deux lacs. Et de ces deux lacs va en deux rivières jusques à descendre en la mer. L’aultre se nomme Amade, et c’est icy Boris, et en d’aulcuns lieux s’appelle Risée (ou Rusée). De l’entrée de ceste rivière Boris jusques à l’entrée delaterredesBaufforesque nous appelions à ceste heure Rossye, et y a vingt cinq lieues, et la route est norouest et suest. De la poincte de Bauffore et de Rosye jusques à l’entrée du lac Mèotudis, la coste gist l’est et ouest, et au dedans du lac, tourne la coste à l’ouest. Le destroict n’a que demye lieue de mer, et d’icy gist la coste du lac, l’est et ouest, et prent ung quart de nordest et surouest jusques à la rivière Tanaïs qui bùct la séparation d’Europe et d’Asye. Ceste rivière vient de deux grandz lacz, et à l’heure quelle sort desdictz lacs, se sépare en deux, et " l’une vient tumber en le lac
1. « Plusieurs isles et montaignes qui sont dictes Petronnisse. » Parmi elle se trouve l’île de Silve. (Denis Possot, Voyage de Hierusalem, publié par M. Charles Schefer, dans \q Recueil des Voyages, pp. 113 et suivantes).
2. La carte placée en tête du folio 81 porte les légendes suivantes : Fin d’Eu-
LA COSMOGRAPHIE
Méotidis qui descen'd en la mer Olipont, et l’aultre descend en la mer Goticque, et ainsi font d’Europe une isle. Et à la descente de la rivière Tanaïs, y a une grande isle faicte en fasson d’une forme de soulier, laquelle faict le lac Méotidis. Ladicte isle a bien soixante lieues de longitude et a bien trente et cinq lieues de latitude. Et en ceste coste habitent les Cites, lesquelz reçoipvent amyablement les hostes, et après qui les ont reçeu en leurs maisons, les tuent et les mangent, et beuvent leur sang meslé avec du lait, et sont mauvaises gens et vivent comme pasteurs. La plus grand part de la terre est bonne et abundante d’herbaiges. Et au long la coste de la mer, en beaucoup de parties, est fort piarreuse et montaigneuse. De ces Cites sont deux nations. Les ungs vivent au hault des montaignes et les aultres au bas. Et les montaignes en quoy ilz vivent, sont auprès des montaignes Rufîées. En l’yver ilz descendent bas auprès de la mer à cause du froig, aux lieux Là où sont les gros hairs, car ilz n’y sentent pas tant le froig. Entre ces Cites et la rivière de Tanaïs, est la province de gens appeliez Salmates. Et en ceste Salmacie est l’autel Ara de Auguste César, auprès des montaignes Ruffées, et celluy de Alexandre le Grand, laquelle ilz laissèrent en mémoire qu’ilz conquestérent jusques icy, chascun f» Si v» d’eux, en son temps. Ceste rivière du Tanaïs est une fort grande rivière et descend en la mer par deux gorilles, et, à sa descendue, faict une isle grande, en laquelle y a une belle ville qui s’appelle Tanaïs, de quoy la rivière porte le nom, où se faict beaucoup de traïîicques de toutes les parties. Ladicte rivière, comme j’ay dict, des-
roppe. — Commencement de l’Asie. — Lac Méotudis. — Isle Méotudis. —
Font de la mer Allipont. — Terre de Colleque.
LA COSMOGRAPHIE
cend de la montaigne Ruffées, d’un* grand lac qui est en dessus de ladicte montaigne, et au pied de ladicte montaigne se faict aultres deux lacs. Et une partie d’elle s’en va en la mer Goticque et l’aultre vient tumber en la mer Méotidis. Et ainsi comme vous sortez du lac, est le ara de Alexandre le Grand de Macédonne (ou Macédoine). Entre les deux rivières, y a une génération des gens appeliez Sacque qui sont comme Cacous ' . Ces montaignes Ruffées sont fort haultes et sont toute l’année couvertes de neiges, et sont en fasson d’un pinier, et est la terre tant froide que les eaues, la plus grand part de l’an, y sont toutes glacées. Et les glaces sont aussi dures commes pierres. Et de l’aultre cousté des montaignes Ruffées, devers le septentrion, y a une génération de gens que l’on appelle Salmaces, et sont saulvaiges. Les montaignes commencent en Allemaigne et en Boesme et vont jusques à la Indie oriental, et en plusieurs lieux changent de nom. En d’aulcuns lieux les appellent montaignes Perborrées - , et en d’aultres Casioses, et en d’aultres Mazones et en d’aultres Hamahées 4 , et aultres, montaignes Péminées selon les langues diverses qui sont par le monde. Toutesfoys, à son commancement, sont appellées Ruffées et sont unes et tenantes aux montaignes d’Allemaignes. Et toutes sont froides, haultes et pleines de neiges. Et cecy sont toutes les provinces et rivières et montaignes d’Europe. Et plus avons dict d’elle, est bien raison venir aux aultres, pour donner fin à notre euvre, de quoy s’ensuit.
