L’Araxe qui se jette dans la mer Caspienne
Alfonse 16
LA COSMOGRAPHIE
descend du cousté d’oriant et passe par les champs Arracinoses. Geste terre et champs sont bien fertilles de toutes choses. Les champs Arracinoses sont, en toute saison, vertz, à cause de la rivière qui leur donne humidité et les arrose quant elle croist en ceste terre. Et en Albanie et Ibérie ‘ sont aussi terres fertilles de la mesme qualité que cestes icy. Aussi bien donne icy une mesure de bled que l’on sème, cent, comme en Ibérye. En ces pays les gens usent d’arcs, fleiches et harnoys et lances, et sont vaillans gens de guerre. Aux champs de ceste terre, se nourrissent scorpions et aspis et aultres bestes venimeuses, desquelles si une personne est mord, il meurt en riant. Ceste rivière Arraxes est une des princippalles rivières d’Arménye. Après la province de Tassolane, est la province de Sutussenne (pu Sutassenne) et la province de Médie, qui sont entre les montaignes Caspies et la montaigne Tauro, et la mer Orcane. L’on veult dire que Médée nomma ces provinces ainsi. Après que Jason la laissa aller (ou la laissé aller), s’en vint en ces provinces, et régna en elles. D’aultres dient que son filz d’elle qui s’appeloit Méde, les nomma ainsi. L’on dict que en ces provinces, est la sépulture de Jason et de Médée, qui régnèrent en ce pays et y furent inhumez, et qu’ilz s’en vindrent icy, et sont inhumez auprès d’une haulte montaigne que l’on appelle la montaigne Jason. Ces provinces, au temps passé, ont seigneurié plusieurs aultres provinces et quasi toute l’Azie. L’Azie est une terre fertille, combien quelle est froide en beaucoup de lieux, l’yver. Ils mènent leur bestial aux champs Eperbotes qui sont auprès des portz Caspie vers la Sussie,
I. Ibéria et Caucasum sonl, dans Ptolémée, un seul et même pays.
LA COSMOGRAPHIE
et dient que, en Fyver, en ces champs, ilz paiscent plus de cinquante mil chevaulx et jumens, sans Faultre bestial. Et du cousté devers le septentrion de la province de Sutassenne la terre est fertille, et de Faultre cousté est terre seiche et stérille ; et iceulx icy font du pain d’allemandes et de certaines rassines. Et ont d’aultres racines de quoy ilz font du vin pour boire. Et eslisent pour Roy celluy qui est le plus vaillant et le mieulx complexionné, et prennent les gens de ceste terre aultant de femmes qu’il leur plaist, et n’y a celluy qu’il n’en ayt pour le moins sept. Car ainsy est leur loy. Et toutes ces provinces de Médye basses sont fertilles. Toutesfoys les montaignes sont haultes, pauvres et stériles, et vivent les gens, en icelles, de chairs saulvaiges et de fruictz saulvaiges. Ces gens Médes sont vaillans gens et usent pour 'leur deffense d’arcs et flèches, et dient que ceulx d’icy et de Méde et d’Arménye, que c’est toute une nation. Méde a été peuplée cF Arméniens, et ont une mesme coustume tant de faictz que d’habillemens. Et après la Médye, du cousté d’oriant, sont les provinces cFIrcanye et Persie. Elircarnie est auprès de la mer Orcane, et Persie à Faustre midy d’elle. La terre d’Orcanye est bonne terre fertille ; en beaucoup de partie d’elle, est terre basse plate, et y a en elle arbres que la feulle rend du mir, et s’en servent. Aux montaignes d’icelle y a forces bestes saulvaiges dangereuses, comme tigres, et de ceulx icy y en a grande quantité et d’aultres bestes. Toutes les rivières qui d’elles descendent, s’en vont entrer en la mer Orcane. Dessus y a piarres qui sont faictes comme chenaulx, par où tumbent les eaues en la mer. Et par dessoubz icelles piarres se treuvent des prairies vertes et fort délectables, là où les
LA COSMOGRAPHIE
gens d’Orcanye viennent prendre leurs esbatz. Les gens d’Orcanye sont bonnes gens, et, à l’austre midy d eulx, tiennent la province de Persie. En ceste Persie, du cousté devers l’oriant, habitent les gens appeliez Arianes, et en occident les Médes. Du cousté de l’austre midy, sont les Arményes. Ceste province de Parsie est grande, et y a en elle de bonnes villes. La province est F» 87 r. environnée de grandes montaignes, et prant une grande partie des montaignes nommées Taures ', qui sont auprès d’elle, et des montaignes appelées Partatres et Raiges (ou Rarges) L et y a au dedans de ces montaignes maintes provinces, lesquelles sont celles icy. La première se nomme la province de Commissanie ^ ,et l’aultre Contiporte, et la province de Persienne et plusieurs aultres, et Ragienne. Ragienne est terre fertille. Les gens sont bien dispostz et gens de guerre, et sont fort cruelz, et sont larrons de leur condition. Aultres foys ont soubstenu de grosses guerres et conquesté de grandes seigneuries. Ragienne tient en oriant d’elle à la province appellée Paropanise ■+, et devers le septentrion la province de Magienne et Brassienne. Et à l’austre midy est la province de Drangie ^ qu’est une grande province, et est toute environnée de montaignes. Et y a, au meilleu de ceste province, y a ung grand lac auquel se rendent toutes les eaues de leurs montaignes.
1. Les anciens croyaient que le Taurus se prolongeait dans l’Asie sous les noms de Niphates, Gordien, Paropamise, Emodes, Imaüs, etc.
2. Rapprocher de ces noms ceux de la Parthie, Parthiène, l’empire des Parthes ; le cap Raga entre le désert d'Iran et la mer Caspienne.
