C’est le Margus. V. ci-dessus
LA COSMOGRAPHIE 247
rivière Oxe. En oriant de la province de Margienne sont les provinces des gens Batrianes et Sodianes, et entre les deux passe la rivière Oxe, qui les sépare l’une de l’aultre. La rivière de Oxe est la plus grand rivière d’Azie, du cousté devers occident. En ces provinces de Margienne et Arrienne les gens sont d’une mesme condition, et est la terre quasi aussi fertille l’une que l’aultre. Et sont les gens bien en ordre. Les gens Arrians et Batrians ont seigneuriè par long temps les Indes et beaucoup d’aultres provinces principallement au temps du Roy Mènander, roy des Arrians et Sodians. Cestuy Menander et son filz, roy des Batranes, coururent et subjuguèrent toutes les Indes et toute la terre de Pantaline, et allèrent j risques à la rivière du Gange, et mirent en leur subjection toute la terre j risques aux Sères ^ et Pannes ^ qui sont à la fin de l’Indie. Ceulx icy sont gens vaillans en grande manière, et se confioit le roy Dare en erilx, tellement que, où il perdroit toute la Indie, ceulx icy ne seroyent jamais vaincuz. Toutesfoys après la mort dridict Roy Dare, Alexandre le Grand la conquesta, et mist en sa subjection, et se maria en icelle terre avec Rosane, fille du Roy Exercés. En ceste terre y avait une piarre faicte de terre cuicte, comme plâtre, très forte, grande, en laquelle ledict Roy Exercés mectoit son trésor. Et avoit de haulteur quinze estades et quatre vingtz de rotondité qui sont deux lieux. Et estoit plate au dessus, et en icelle pouvoit habiter dix
1 . Ce nom avait été donné par les Grecs et les Romains aux peuples les plus éloignés, à l’est de l’Asie. C’est de ce nom que vient le mot sericum, la soie(V. Bouilliet, Dict. d’hist. etc. Ortellius).
2. Pannah (ville de l’Inde Anglaise), Bandelkand ; peut-être le Panassa des anciens.
LA COSMOGRAPHIE
OU douze mil hommes. Et sur le hault de ladicte piarre fut hiict le mariaige dudict Alexandre et de ladicte Rosane, et après feit abbatre une grande partie de ladicte piarre, afiin que Ton ne se levast point contre luy en elle. La rivière Oxe passe par icy et est fort impétueuse et rude, parcequ’elle passe par terre sableuse en la terre des Sodianes. Elle court par dessoubz la terre en beaucoup de lieux, et en passant, les gens Macèdonies, en icelle terre, qu’est terre de sablons, feirent ung puys pour trouver de l’eaue à boire et tirèrent de l’eaue comme huille d’olif, de laquelle ilz usent au lieu d’huille d’olif, tant pour brus- 1er que pour mectre aux draps, et pour leurs aultres nécessités. En oriant des Batrianes sont les gens appeliez Poffogues, les Nomades et Massagètes, lesquelz habitent aux cavernes et sont entre les montaignes apellèes Mocies et Mayes, et la montaigne Cascose, qui est terre fort haulte et fort froide. Et icy finist la montaigne Thauro qui vient d’Arménye, d’auprès de Rodes. Et la montaigne Cascose vient des Allemaignes, et, comme j’ay dict, se nomment en plusieurs noms, à cause des langues et régions diverses, et toutes vont ainsi jusques cà la fin de la Indie, là où elles sont nommées d’aultre sorte. Et de ces montaignes descend la rivière Araxes et le Gange, et plusieurs aultres grandz rivières. Et en ces montaignes l’on veult dire qu’est Paradis terrestre, auprès de la rivière du Gange. Et d’elles descend la rivière Ido, et la montaigne d’où elle descend, s’appelle Parathe où demoura l’arche de Noël, et descend du coustè d’occident d’elle, et va à la Indie descendre en la mer Occèane en la terre des gens appeliez Gougeraz ’.
