I . Mytilène et Chio
LA COSMOGRAPHIE
F» 92 r. haiilteur du polie articque, et, entre lesdeulx, est Bélure et Altolage et Palantègre qui sont bons portz. Rodes est une belle isle assés grande, là ou soulloit estre le grand maistre. Et du cap de Rodes jusques à Acre y a quarente lieues, et la route gist l’est et ouest et prent ung quart de nordest et surouest, et est à quarente et ung degrez et demy de la haulteur du polie articque. L’isle de Rodes est huyct lieues en la mer et est par les quarente degrez de la haulteur du polie articque, et a de longitude nord et su quatorze lieues, et de latitude l’est et ouest huyct lieues. Et en la coste de ceste isle est la province de Ponthe qui est joincte à celle de Frisie. Du cap d’Acre jusques à Chastel Lombart y a soixante lieues, et la coste gist l’est et ouest. Chasteau Lombart est à quarente ung degré et demy de la haulteur du polie articque. Et entre les deulx est le port de Satalie et plusieurs aultres. Et en ceste coListe est Lissie et Efèse et Galathés, là où sainct Paul escripvoit ces épistres. Et après est le port de Satalie qui est bon port. Et davant Satallie est l’isle de Pamphilie qui est bonne terre. Et la terre d’Effése est bonne terre, là où se cueullent de très bons ‘vins. Et en ceste province les gens sont adonnez à larcin et sont fort maulvaises gens. De Chasteau Lombart jusques à Jasse et à Alexandrette qui sont joignantz l’un l’aultre, y a soixante et dix lieues et la route gist l’est et ouest, et sont à quarente et ung degrez et demy de la haulteur du polie articque. Entre les deulx est Antiochèse et Tarse et Largue qui sont bons portz. Et en ceste coste descendent de bonnes rivières qui viennent des montaignes appellées Taures et des montaignes Euramyes. Et en ceste coste est la province de
LA COSMOGRAPHIE 257
Salicye et les champs appeliez Navalles où il y a eu, au temps passé, de cruelles batailles et sang répandu, sellon les histoires. Et icy descend la rivière nommée Agalle en laquelle se trouvent les piarres Agathes, lesquelles piarres l’aigle porte en son nyd pour tempérer la challeur à ses petitz, afîin qu’ilz n’estouffent de challeur. Geste piarre a telle vertu quelle oste la challeur et la soif. Et cestes icy sont les plus fines du monde. Et sont plus fines que celles d’Angleterre. Dedans le port de Thrace desdend la rivière Thracis et passe par la terre de Ninive, et par la ville Thracis qui est celle où le prophète Jonas alloit, quant il fust gecté en la mer, et que la ballenne l’angloutit. Et icy sont les grandz désertz de Ninive qui sont tant renommez. La ville de Thracis est une bonne ville qui soulloit estre mère de philosophie, et en icelle, au temps passé, soulloit estre escolle de philosophie naturelle. Et de ceste Thracie furent Antipater et Archillan, Anthenodorus, Marselle, Diogénes, et Anthinidorus, Dyonisius Grates, maistre gramérien, qui estoit de Paneste. Tournant cà la mer, je dictz que le travers de ceste coste est l’isle de Chippre qui est fort renommée et bonne isle et soulloit estre ung royaulme, et tient des Véniciens, et est vingt lieues en la mer de la grand terre, et a de longitude de l’est et ouest cinquante lieues et douze de latitude de nord et su, et est bonne isle fertille et se a de bons portz. Et si faict grand trafîic de toutes marchandises, et est fertille, comme j’ay dict, de vins, bledz et d’huille d’olif, et y a mynes de cuyvre, et y a aussi en elle une myne de terre rouge qui est bonne pour médecine. Auprès de la Jasse sont les porthes que l’on appelle les Portes Cilicie entre la montaigne Ymar et la mer. Du cousté de Cillicie sont
Alfonse
les champs appeliez Navalles, là où fut la première bataile du roy Dare et d’Alexandre le Grand, et là où ledict Dare fut vaincu par ledict Alexandre. Et fut sa lemme, enlfans et frères prisonniers. Et de ces portes devers le septentrion et la province de Capadoce. Et du coustè d’occident d’elle, jusques à la mer, est toute terre de la petite Arménie, et, passé lesdictes portes, commence la terre et province de Cirie et de Comagène et de Orrbie (ou Orobie) et de Judée lesquelles sont entre la rivière F- 93 Eufrates ‘ et la mer Rouge et la mer Méditerranée. Et la première province est celle de Cirie et auprès d’elle est Larise et Alexandrine où descend la rivière Orates, laquelle rivière attraverse toute la terre et vingt lieues audedans d’elle est la ville ci’ Antioche. De ceste Antioche fut le roy Antioche qui destruict le temple de Jhèrusalem et print et desrobba mil et huyt cens talans d’or fin, et chacun talant vault trois cens livres, et grand nombre d’argent, lequel Salomon avoit faict apporter d’Orfye et de Tersiequi sont en la mer Pachficque, pour édiffier ledict temple. Le roy Antioche deffist beaucoup de Juifz et en admena plusieurs prisonniers, et cecy luy permist Dieu, parceque lesdicts Juifz ne gardoyent les commandemens de Dieu, tout ainsi que testiffie Hyérémye en ses déplorations. En ladicte ville d’Antioche commença Sainct Paul à prescher la résurrection de Jhésucrist. Et d’icy s’en alla par l’Aryménye la Petite et par la province de Célérie et par celle de Pamphillye, et convertist les gens Gallathes et ceulx de Efiese ; et de là s’en alla en Grèce et convertist ceulx des Corinthes, et
I. En tête du folio 93 recto, une carte avec les légendes : Terre de Jérusallem, terre tenante à Troye, Chipper, Le Nil, Allessandrye.
LA COSMOGRAPHIE
eust de grandes disputacions contre les philosophes de Athènes. Et d’icy encores retourna à Antioche où il a voit commencé cà prescher, et d’icy s’en alla en Jhérusalem, là où il fut prisonnier. Et d’icy le menèrent prisonnier à Rome. Et par ceste Antioche passa le duc Go- F” 93 v». deffroy de Billon quant il fut con quester Jhérusalem à la compagnie des croisez. Et icy eust une grande bataille avec les Infidelles, mais à la fin il print la ville d’Antioche, et de là s’en alla en Jhérusalem, et la print par force, et fut le premier qui entra en Jhérusalem, luy et le roy des Gallattes. Ces Gallattes estoyent une nation séparée des aultres à cause d’une maladie qu’ils avoyent comme ladres, et ce pour raison d’une puantise qu’ils avoyent. Et mangeoyent la chair des Maures qui tueoyent à cause de laquelle malladie. Et à ceste cause qu’ils mangeoyent ladicte chair, mist grand crainte aux ennemys qui fut grande ayde audict Godeffroy de Billon.
Et après que Jhérusalem lut prins, ilz eurent ledict Godelfroy pour roy de Jhérusalem, et en ceste manière; car ilz mirent aultant de chandelles au temple de Jhérusalem comme il avoit de cappitaines en la bataille, et feirent requeste à Dieu que celluy que luy pleust qu’il fust roy de Jhérusalem, lust son plaisir luy allumer sa chandelle, et subitement fut allumée la chandelle dudict Godeffroy de Billon, et ainsi fut couronné roy de Jhérusalem, par la grâce de Dieu. Et fut homme de bonne vie et tenu pour virge.
Tournant à Antioche, je dictz que, au septentrion d’elle, est la province de Comagéne auprès des montaignes appellées Enodes. Entre ceste Comagéne et Capadoce est le pont qui attraverse la rivière Euffrates, et icy y a ung chasteau auprès de la rivière Célaucie. Et par
LA COSMOGRAPHIE
ce pont passa, Alexandre, son ost pour passer en la terre de Cirye. Cirye est une bonne terre fertille, meilleure que la terre de Comagéne ny que celle d’Antioche. En ceste terre d’Antioche tenoit, Alexandre le Grand, ses gens que l’on luy envoyoit de Grèce et de Macédoine ; et aussi y tenoit son ost, et icy estoit le repox et port d’eulx, à cause que c’estoit une terre fertille d’herbaiges F” 94 r». et de toutes choses. Et icy estoit la dessente des cappitaines rommains, et icy descendit Pompée romain quant il conquesta l’Azie et la Cirye, à cause que le port est bon pour les navires, et la terre bonne et fertille de très bons vins, bledz et herbaiges. Et icy se chargent forces vins pour mener par toutes les parties de la Grèce, à cause qu’ilz sont fort bons. Passé Antioche du cousté d’oriant est la province de Fénèsye. Et la coste de la mer gist nord et su, jusques à la ville appellée Sidon, et jusques à la ville de Thiro. Et de ceste province de Fénésye, en ce temps, fust roy et seigneur Thiro, lequel bailla l’ayde du boys de la chappuse à Salomon pour faire le temple de Jhèrusalem ; et les navires et mariniers lesquelz furent envoyez en Thoacie (ou Thracie) et Orfye quérir l’or et l’argent qui fut mis au temple, lesquelz embarchérent en la mer Rouge. Et, auprès de ceste province, est la province de Damaces, et la montaigne Labane, là où habite l’oyseau phénix ; et quant il veult morir, s’en va en Arabye sur certains arbres secz, aromaticques, estans en ladicte Arabye. Et icy débat tant ses bailles qui hiict brusler ledict arbre et icelluy allume ; il se gecte dedans et se brusle luy mesme. Et de la cendre restant de son corps, s’engendre ung ver, et, en certains jours, se convertist en ce mesme oyseau phénix. Et quant il est formé, il retourne à ladicte
LA COSMOGRAPHIE 261
montaigne Labane qui est en ladicte province de Phénésye. Et icy vist continuellement cent ans, et se renouvelle de cent ans en cent ans, et n’y en a que ung au monde. Et, en ceste coste de Phénésie, y a une isle nommée Thiro qui a deux bons portz. Et icy y a grand tralîic de marchandises, et icy se faict trafïic de toute la province de Phénésie, et icy fut inventée l’arismétique et astronomye, pourcequ’il y avait grand trafïic de toutes marchandises. Et icy aultresfoys y a eu de grandz philosophes et astrologiens et aristméticiens. Ladicte isle est bonne terre fertille, et y a de bonnes villes. Et au bout de ladicte isle est Tripolin en la terre ferme. Et icy descend une bonne rivière. Et de Tripolin ^ au port de Jaffe qui est la descente de Jhérusalem a trente et cinq lieues. Et du port de Jaffe au port Larise y a trente et cinq lieues, et la route depuys le port de Tripolin jusques cà Larise gist nord est. Tripolin est par trente huyt degrez de la haulteur du polie articque, et le port de Jaffe par trente et six et Larise par trente et quatre degrez de la haulteur du polie articque. Et icy se achève la province de Eénessye et au dedans de ceste icy est la terre de Cirye et icy se achève et se commence la terre de Judée. Toute la coste gist nord et su jusques à la haulteur du Nil. Et en ceste coste est la terre de permission ^ qui est entre la mer Méditerranée et Arabye la déserte et Cérye et Eénessye et la terre de Egipte. La première province d’elle est auprès de Tripolin et ladite province de Phénénécye et celle
