I. LacSabanjia
LA COSMOGRAPHIE
rivières en la mer. Et auprès du cap, davant luy, y a F» 91 r. une isle laquelle, au temps passé ^y avoit ung temple qui estoit fort renommé. Et en ce temple faisoyent les pillotes et marinyers maintes promesses et veulx, et y avoit grande dévotion. Et du cap d’Ardénie au cap d’Estalamar qui est dessus Troye la Grande, y a vingt lieues, et est le cap de Troye à l’austre midy, et est le cap à quarente deux degrez et demy de la haulteur du polie articque. Et entre ces deux caps, faict la terre ung goulfe. Et icy descend la rivière Essape qui vient de la montaigne Olipe, et de la montaigne Tauro, et ladicte rivière court par la province de Dardanie et par aultres provinces ; et est la rivière la plus renommée de toute rArménie la petite. Par quoy toutes ces terres sont de l’Arménie la petite. Et au bout du goulfe, qui est auprès du cap d’Estalamare, est la grande ville de Troye qui tant a esté renommée. Et la plus grand part d’elle est ruinée. Et icy furent les grandz faictz d’armes des Grecs et Trojains où tant de gens sont mortz. Et du cousté devers le cap, y avoit ung chasteau lequel s’appellait Illion, lequel jam.ais ne fut en ce dict temps destruict, posé que la ville le fust. Car, en ce temps là, le gardoit le roy Agamenon, frère du mary de Hélène, de quoy tant de maulx vinrent, laquelle Hélène desroba Paris dedans ung temple, et par elle vindrent tant de maulx. Paris estoit enffant du roy Priam, roy de Troye, et de F“ 91 V». toutes ces terres jusques à Cappadoce, et s’appellent, toutes ces terres, les terres de Troye, et à cause qu’elles estoyent toutes au Roy Priam, roy de Troye. Geste terre estoit fondée en la province de Missie et de Erigie. Et en la
I. En tête du folio 91 recto, une carte avec les légendes : Terre de Troye en Asye, la figure du destroict, l’aultre partie de La Cypper, Candye, Roddes.
LA COSMOGRAPHIE
Frigie estoit assis Fost des Gréez. Et parce que ledict ost estoit icy posé, toutes les batailles furent aux champs de Frigie, et sont les champs les plus regretez qui furent j amais au monde, pareequ’il y mourust maintes roys, princes et chevaliers de Grèce et de Troyans. Entre aultres y mourut Hector, fils du roy Priam, et Achilles, grec. Lequel Achilles tua Hector, et furent fort regrétez. Cestuy Hector estoit si vaillant que,quant il entroit en bataille, il n’en sortoit jamais qu’il n’eut tué grande quantité de gens, ce que afferment les cronicques. Et, au bout de ces deux provinces Missie et Frisie, est la montaigne Olympe qui est fort haulte, et est aussi haulte que la montaigne de Thessellanye. Et aux deulx tiers d’elle, y tumbent grandes néges en l’y ver, et y en a quasi toute l’année. Et sur le hault d’elle, est plat et n’y a point de néges. Et en ce temps l’on dict que les philosophes montoyent sur le hault d’elle pour veoir le cours des planettes. Ce mont a alentour soy forces buissons et dangereux, là où serecueullent les larrons. Quant Pompée vint conquester l’Azie, il passa par icy et en destruict une grande partie. Et en ceste montaigne se retira Antoine quant se vint à la bataille de Mitridate. Retournant au goulfe de Troye, davant le goulfe, y a deux belles isles, l’une desquelles s’appelle Méthelyn et l’aultre Exio g et sont de la seigneurie de Gennes, et payent certain tribut au Turc. Et aussi, en ceste mer, y a plusieurs isles, et cecy s’appelle la mer de l’Arsiplec. Et du cap de la Troye jusques au cap de Rodes, y a trente lieues, et la coste gist l’est suest, et ouest norouest. Le cap de Rodes est par les quarente degrez et demy de la
