Sienne, Syene, aujourd’hui Assouan

LA COSMOGRAPHIE

de ces deux icy de trois lieues, et d’elle sort une rivière qui est plus grand que les aultres deux. Et de là, à quatre lieues, s’assemble avec les aultres deux. Et toutes ensemble font une bonne rivière, et s’en va jusques à la ville de Mèré ‘ qui est au nord de la ligne esquynocialle. Et jusques icy prent, ceste rivière du Nil, grand vertu, en manière que tous ceulx qui se baignent et se lavent en elle de quelque lespre et malladie que ce soit, ilz guérissent. Et de la ville de Mèrè, va jusques à l’isle de Mèrè, et icy s’assemble avec d’aultres rivières lesquelles proviennent de l’Estioppe, qui s’appelle la rivière Aspace ^ ; et passé l’isle, se assemble une aultre rivière qui avec elle fait l’isle laquelle est grande et s’appelle Astabore qui vient de l’Estioppe ostral. Et vient par la terre de ces gens appeliez Estraffogues, et vient d’une haulte montaigne qui est en l’Estiope, et descend d’un lac qui est au dessus de la montaigne. Et en ceste montaigne d’où elle descend, y a mynes d’or fin. Et d’elle descend une aultre bonne rivière, laquelle va descendre en la mer de Méque en laquelle se cueulle de l’or fin. Et jusques icy vient le Nil et jusques à Fisle de Mèrè +. Et jusques icy ne se peult naviger à cause qu’il y a forces rochiers et piarres. Et après qu’elle a passé l’isle de Mèrè, en bas, est navigable, et s’en va droict au septentrion plus de cent lieues jusques à la terre des Picguemées qui sont petites gens comme enffans de sept ans. Et d’icy retourne à l’austre midy par le cousté d’occident, et va oultre cent