Cyrénaïque
LA COSMOGRAPHIE
mouroit de soif, et icy il se recommanda et feit oraison à son Dieu. Et en ce faisant luy apparust ung corbeau devant luy voilant, et le suyvit ledict Alexandre que F* 109 r. bien pensoit estre quelque guyde par le commendement de Dieu ; et en le suivant, le mena à ung temple là où il y trouva une belle fontaine. Les presbtres de la loy qui estoyent dedans, ne voullurent permectre que nul entrast dedans, fors ledict Alexandre, auquel temple feit son oraison. Et les dieux luy respondirent que pendant qu’il les honoreroit, ne seroit jamais vaincu parcequ’il estoit enffant de Jovis. Et pour laquelle response, il commanda que l’on l’appelast fils de Jovis. De quoy les Macédonies se mocquoyent, en disant que Jovis estoit Dieu immortel et que luy il estoit mortel. Et d’icy s’en retourna à Alexandrie et passa le Nil par la terre de Arabye. Et luy feirent ceulx d’Egipte grand obéyssance, et de là passa à la terre de Sirye pour aller combattre contre Dare. Egipte est faicte en fasson carrée, dont Alexandrye est ung des quantons, et l’aultre est Sienne, et l’aultre est la mer Rouge jusques au port Acothe. Et icy est le lac de Mûris et la ville d’Estatir. Ledict lac est grand et est eaue sallée. Et les Egiptiens ont faict certains chenaulx pour aller dudict lac au Nil, et pour venir dedans l’eaue, quant il croist, et pour passer les marchandises qui viennent de la Indie, d’Arabye Félix et d’Estiope. Et en ces chenaulx ont faict chaussées assés haultes, affin qu’ilz fussent plus proffundz, et ont Dict portes comme en ung estang pour retenir l’eaue, de laquelle eaue ilz arrosent une grande partie de la terre, parcequ’il n’y pleut point. Au dedans de ce lac, auprès de la ville de Thabes est labirinthe qui est ung édifhce qui est grand et beau, faict par dessoubz terre, là où il y
LA COSMOGRAPHIE 295
a grand quantité de sépultures de Roys, du temps passé, et statures (5/r) de Idolles. Au dessus de Thabes, y a une ville, là où se poyent les droictz et coustumes des marchandises qui viennent de l’Indie, d’Arabye Félix et de l’Estiope, par terre et par le Nil. Et en ceste ville y a ung puys sur une roche ouquel tous les ans se veoid la merche et l’enseigne de la grandeur que le Nil doibt croistre. Et icy prenent advisement pour remédier au croissement du Nil, car ceste terre d’Egipte est de celle quallité que jamais en elle ne pleut ; et par ce. Dieu les pourveoye de la rivière du Nil. De la croissance s’arrousent tant de parties, en manière que celle qui est arrousée, se peult laborer et semer au temps qu’il est nécessité pour la terre. Et tant plus il croist, et plus de bled, ilz ont. Et quant il ne croist guéres, ilz gardent les bledz d’une année à l’aultre. Et dict on que maintes foys, il croist jusques à dix huyt coudées. Toutesfoys cela arrive bien peu. Et sçaichez que cecy est vérité. Et avant que Adam péchast, de quatre rivières s’arrosoit toute la terre. Et d’une d’icelles estoit le Nil. Et après que Adam eust péché, cessèrent d’arroser, excepté le Nil, et vint la pluye au monde. Et en mémoire de quoy. Dieu a délaissé et a voullu que le Nil arrosast ses parties d’Egipte en laquelle il ne pleut point. Et commance à croistre le Nil au commancement du moys de may et jusques à la mye juillet, et descroist à la fin d’aoust. Et au commencement de septembre, ilz commancent à labourer les terres. Et dyent diverses choses de ce croissement. Les aulcuns dyent que le cause la neige qui est aux montaignes d’où il descend ; et cecy n’est pas la cause, parceque elle descend au dedans du troppicque yémal et estival le long la ligne esquynocialle, là où il
LA COSMOGRAPHIE
n’y a point de froig ny de neiges. Mais vient en ceste manière que, ainsi comme en les parties de Europe, sont les pluyes en novembre, décembre, janvier et febvrier; aussi au dedans du troppicque et dessoubz l’esquynocial, il pleut au moys de may, de juing, de juillet et d’aoust. Et cecy est la cause pour quoy le Nil croist en Egipte, Et cecy est veu clairement par expérience en la terre des Indes occidentalles et orientalles, et en rEstioppe,làoù je l’ay veu par expérience, ainsi que les eaues qui croissent éspuys, se conforment ad ce que je dictz. Car le croistre et décroistre ' est ainsi que Dieu l’a ordonné, lequel a voullu que ceste rivière demourast en mémoire de cela, et quelle arrousast ladicte terre, et afîin que, auparavant le péché d’Adam, le monde creust qu’il n’y avoit point de pluye et que les quatre rivières arrosoyent toute la terre.
Ceste terre d’Egipte est fertille de pain et de vin et y a de toutes sortes d’arbres et de fruictz en abundance. Toutesfoys il n’y a point d’oliviers ny d’olives. Et combien qu’il y en ait en Libye auprès de Thabes et en Alexandrye, et en toute Egipte n’y en a point. Et y a une germe de febves que l’on appelle égiptiaces, lesquelles sont semblables à celles de Europe, et sont de grand proufîict en icelle terre. En ceste terre d’Egipte engroyssent les femmes continuellement de deux et trois enlfans d’une ventrée.
Et de Sienne jusques à Silées - est toute la terre déserte jusques à Estiope, et est terre où se retirent les
1. En tête du folio no recto, une carte avec les légendes : Terre d’Egippte, le lac Mûris ; au long de ceste coste descendent les marchandises de l’Indye et Estioppe en Alissandrye ; — le Grand Caire.
2. Ville de la Basse-Egypte. L’Itinéraire d’Antonin la place sur la route de
LA COSMOGRAPHIE
larrons. Passé les désertz, est la terre des gens Silées et les Nomades qui sont gens de petite complession et force ; et ne sçavent se combattre et deffendre. Et vont nudz et sont gens sans prouffict, et sont beaucoup de gens. Et après ceulx icy sont les Estiopiens et Troglodites, lesquelz sont prouchains de ceulx de Saba et de Hélène et de Ellephantin (ou Elephantium) Venatio qui sont portz de mer. En ceste terre des Troglodites, y a beaucoup d’auromaticques qui sont choses d’appoticaire, et d’or, qui se cueullent et croyent en elle. Toutes ces terres au long du Nil jusques au Méré sont terres bonnes et fertilles. L’isle de Méré est une grand isle fertille et riche, laquelle isle le Nil environne, et est bien peuplée, et en elle se mect en oeuvre beaulcoup f» no v». d’or, cuivre, fer et assier et pierres précieuses. Car il y en a beaucoup depuys ceste isle Méré jusques cà la mer Rouge, lequel croist en elle. Et y a en ladicte terre abundance de bestial de toutes sortes. Toutesfoys les gens sont faibles et sans prouffict. Et la laine est grosse.
Et sont les gens nudz. Et y a entre eulx maintes bestes saulvaiges comme tigres, lyons, onces ', elléphans et robincérons. Les gens sont idolastres et mangent saulterelles et plusieurs aultres villenies, posé qu’ilz ayent force bestial, et beuvent le sang meslé avec du lait. En ceste terre sont les Picgueniées, desquelz il faut sept pour combattre contre une grue, et sont petitz comme enffans de sept ans. Et y a une manière d’oyseaulx qui
Serapium à Péluse, entre Thaubasium et Magdolum). Il y a apparence que Silées est le même que Sel^e de l’Augustamnique. On croit aussi que c’est la même ville qui est nommée Sella dans les Notices.
I. L’once est un animal de l’espèce du grand genre chat (V. d’Orbigny, TOict. d’hist. nat.).
LA COSMOGRAPHIE
sont grandz comme ung cheval et courent plus que ung cheval et ne voilent point. Et les tuent les Estiopiens avec des flèches empoisonnées. Ces gens sont gentilz et idolastres. Et au delà de Fesquynocial, devers le polie antarticque, y a beaucoup de manières de monstres ; hommes que la teste et le corps est tout ung, qu’ilz n’ont point de col ny de fasson de teste ; et aultres qui ont le visaige d’un chien et le reste d’homme ; et aultres qui ont pied de chièvre et toute le reste comme ung homme ; et aultres qui n’ont que ung oeul au front; et d’aultres qui ne parlent point et courent aultant que ung leuvrier. Et ceulx icy ne mangent que colleuvres et luizars. Et y a gens qui l’ont veu. Et j’en ay veu une partie. Et vivent de lait et de chair. Et celluy qui veit quarente ans, le tiennent pour viel homme. Et entre eulx, pour le présent, y traictent des Xprestiens Portugaloys d’aute Itres nations. Et ces icy, l’on se sçait en quoy ilz croyent.Cars’ilz croyent aujourd’hui une chose, demain iz en croyenlt une aultre, et croyent en leurs songes. L’isle de Méré est par les huyt degrez de la haulteur du polie articque. De l’aultre part du Nil, au nord de la F- 1 1 1 r. ligne équinocial, et devers l’occident est l’Estioppe occidentalle,et la province nommée Espérye ' et les Carmates qui sont prouchains de Libye qui sont gens appeliez Marasins (oî/Marusins) ^ et Gétulles. Et ces Gétulles sont
1. Espérye. Esper, dans Ortellius, province où la légende plaçait les Hespérides, filles d’Atlas et d’Hespérides.
2. Serait-ce les Caramantes, peuplade qui, d’après les anciens, habitait la Libye, proche des Troglodytes, non loin de l’Ethiopie ? D’après Alfonse, ils seraient aussi appelés Marasins et Gétulles. La Gétulie était le nom donné à une partie de l’Afrique du nord-ouest (Le Maroc, d’après le ‘Dictionnaire de Bouillet). Salluste, l’un des premiers, signale des différences entre les Gétules et les Lybiens. Les Gétules correspondraient aux Numides des anciens et aux Berbers des Arabes. Le nom de Marasins rappellerait-il les Maures ?
prouchains de Marmarates. Et plus en occident sont les Neigrettes et Marasins (pu Marusins) qui sont tous gens meigres, crespuz et idolastres. Et toutes ces terres de Estiope et Libye, qui sont en occident, sont terres fertilles fort pleines de bestial. Et en toutes elles se trouve de For en abundance. Toutesfoys ilz ne l’estiment point. Et y a entre eulx de diverses bestes saulvaiges et bestes venimeuses. Les gens de Libye les tuent avec des fleiches de dessus les arbres. Car ilz sont gens furieux et sont grandz archiers. Et combattent les femmes aussi bien que les hommes. Et aulcuns adorent le soleil, et lesEstiopiens d’orient adorent leur roy et sont fort obéissans. Et ceste province prent son nom d’une femme qui fut royne de ladicte province, laquelle avoit nom Libye, et dict on quelle estoit fille d’un des filz de Juppiter. Et y a en elle beaucoup d’arbres aromaticques, et beaucoup de piarres précieuses et de grandz désertz là où il y a forces serpens et bestes fort dangereuses.
Puisque nous avons parlé de l’Azie jusques à la rivière Euffrates, d’Egipte et d’Estiope, il est raison que nous parlions d’Affricque et Libye lesquelles sont prouchaines d’elles. Ceste Affricque divise le Nil de Azie, et par toutes les aultres parties est environnée de la mer Méditerranée et Oxéane, et a de longitude huyt cens lieues et de latitude six cens lieues, et en d’aulcuns lieux cinq cens. Et, jusques auprès du Nil et le travers d’Estiope, en a plus de mil, et cecy s’entent nord et su. Et veullent dire aulcuns que c’est la tierce partie de la division. Et y en a d’aultres qui veullent dire que Affricque et Europe contient aultant que l’Azie. Il (est) bien vray qu’elle contient aultant en comprenant toute l’Estiope.
Geste Affricque et Libye sont terres moult fertilles quant elles ont de la pluye à leur désir, et ont force bestial et bon, le meilleur de toute la terre. La partie du septentrion qui est entre les montz Ethalates ' et la mer Méditerranée, là où sont les meilleurs gens, est la plus fertille. Et du cousté de l’austre des montaignes Athalates, là où sont les gens noirs et crespes, la terre n’est pas si fertille. Car ilz n’ont point de bledz. Toutesfoys ilz ont tous les troys moys nouveaulté de fruictz et d’aultres racines. Et ont forces mynes ci’or. Les gens ne sont pas si vaillans comme ceulx du cousté du septentrion. Entre ceulx du septentrion et ceulx de l’austre midy y a de grandz désertz de sablons, là où il y a grande nécessité d’eaue, et y a forces bestes venimeuses comme collevres (ou colleures) et luizards qui sont fort grandz et dangereux. Retournant à la coste de la mer, je dictz que, auprès du Nil, est la ville d’Alexandrie qui est la première ville de Affricque, qui est de la province appellée Sirénay L Icy viennent toutes les marchandises des Indes, Estiope, Arabie et Félix. Et d’icy se mènent en Europe par la mer Méditerranée, et de Alexandrie jusques au port de Luque y a quatre vingtz et dix lieues. Et du port de Luque au port de Bonnaudoye y a soixante lieues, et la route gist l’est et ouest, et prent ung quart de norouest et suest. Et en ledict port de Luque a trente et cinq degrez de la haulteur du polie articque. Et Bonnaudoye ^ est à trente et six degrez. Et en ceste coste est la province de Sirénay
