Garmates
et bestes vesnimeuses comme escorpions. Et par la plus grand partie d’AIfricque, y a forces de ces bestes. Et y a aussi de grosses colleuvres et de grandz luizardz, pour raison de ces grandz désertz qui y sont. Et auprès de ceulx icy sont les gens Masanones ’ et les gens Troglodites lesquelz sont si légiers qu’ilz prenent un lièpvre à la course, et ne mangent que chair de colleuvres et luizardz, et habitent parmy les sablons. Et courent tant qu’il n’y a bestes au monde qu’ilz n’attrappent, et ne croyent en riens- non plus que bestes, sinon au manger, et ne parlent point et ne font que sibler, et avec ce sibler se entendent. Et usent d’arcs et fleiches et vont tous nudz, et sont les plus prouchains des Estiopiens et des Négrettes et Satires, et sont quasi tous une nation qui ne croyent en riens sinon en la viande qu’ilz mangent. Et ces Négrettes et Satyres habitent en cavernes pour raison de la grand challeur qui est en icelle terre. Les Négrettes vont aux rivières qui descendent des montaignes Athelates, esquelles rivières se trouvent forces cocodrilles et aultres gendres de poissons qui sont à nous incongneuz.
Il y a deux Estiopes, Estiope oriental et Estiope occidental. Et ceste icy est occidental qu’est auprès de ces gens avent dictz. Et toutes deux sont depuys la ligne esquynociale à l’austre midy. Et de la ligne esquynociale j risques au Nil et destroict de Gibaltar est toute Affricque et Libye. En l’Estiope occidental se trouvent des escarboucles qui est une piarre la plus riche du monde, et se trouve au front d’une beste. Et aussi y a une aultre beste qui s’appelle lince, laquelle a la veue fort ague et
I. Gens Masanones ou Masaraones, ce sont évidemment les Nasamons, peuple de la Lybie.
veoid fort clair. De son urine s’engendre une piarre rouge comme feu, laquelle est appelée lyncurie, qui semble fort à l’escarboucle et est fort prisée. Aussi y a une aultre beste qui est appellée hyenne qui a deux natures, en sorte que en une année elle est masle et en l’aultre elle est femelle. Et a ceste condition que quant elle veult parler comme ung homme ou comme ung chien ou comme une aultre beste, elle le faict. Et quant l’homme approuche, pensant que soit ung aultre ou le chien ou quelque aultre beste, pensant que c’est sa nature, elle est si fine et si légie qu’elle les prent et les tue et les mange, pour ce quelle vouldroit qu’il n’y eust aultre ulle nation que la sienne. Et sont plusieurs bestes de ceste sorte et non une seulle. Et a encores une aultre vertu, que si son umbre touche à quelcunes des choses susdictes, elle les fiiict de telle sorte quelles ne se peuvent plus remuer ny se peuvent deffendre. Et si aies yeulx si ardens qui semblent de plusieurs coulleurs. Et au dedans de ces yeux, y a, en lieu d’une prunelle, une piarre laquelle est appellée Hyenne, laquelle a telle vertu que si quelcun la mect dessoubz sa langue, il dira toutes les choses passées et advenir. Et de ceste icy usent les nigromans et magiciens, et la désirent moût, et en font grand garde quant ilz la peuvent avoir. Et en ces Estiopes, en l’une et l’aultre, toutes les terres sont assises sur mynes d’or. Les gens sont de petite complexion et ne sont point vertueux ny belliqueux, et adorent plus la lune que aultre chose, et sont idolastres et bons à croire quelque chose que l’on leur monstre. En toutes ces terres, le bled n’y sçauroit grener à cause de la grand homite du soleil qui donne sur la terre, et y mangent fruictz d’arbres et racines, et en ont
LA COSMOGRAPHIE
quatre foys l’année. Et en aulcunes parties au long la mer, ont de bons rys qui est une chose bonne. Hz n’ont point de vins, mais ilz en font de juz d’arbres comme de palmes et d’aultres arbres. Le vin de palme est fort bon, substancieux et nourrissable, et est tant nourrissable que si l’homme ne se saignoit, à même il mourroit. Et ont forces diverses bestes. Les gens vont nudz. Et dyent que entre eulx y a homme qui n’a point de teste et hommes qui ont visaige de chiens, comme j’ay dict, posé que ce soyt une chose fort à croire. Touteffoys j’en ay veu l’expérience. Et les ungs adorent le soleil et les aultres la lune, et les aultres la viende qu’ilz mangent, et les aultres leur roy. Tour- f» n3 v“. liant au cap de Bounandrie jusques au cap de Tholoméde ^ y a quarente lieues. La route gist nordest et surouest. Le cap de Tholoméde est à trente quatre degrez et demy de la haulteur du polie articque. Bavant le port de Tholoméde y a ung islet, et davant le cap y a une maulvaise basse. Du cousté de l’ouest deTholoméde à Bénie y a vingt et cinq lieues. Et est Bénie devers le su de Tholoméde par les trente et trois degrez de la haulteur du polie articque. Et icy descend la rivière appellée Lacton qui vient des montaignes Athelates.
Et jusques à ceste rivière vient la montaigne province Çsic) de Cirénay. Et en ceste coste de Tholoméde est Pantapolin et Espéris Et de Bénie jusques au cap d’Alcathe y a soixante et cinq lieues, et gist la route l’est suest et ouest norouest, et est à trente quatre degrez et demy de la haulteur du polie articque. Entre ces deux caps sont les bans et baptures appeliez les
