Espéris. Voir plus haut

Alfonse

Grandz Sirettes • qui est ung assemblement de bans de sablons, lesquelz sont bien quarente lieues en la mer et aultres quarente lieues au long la coste, et se nomment les Grandz Sirrettes et sont fort dangereux, parce que, en beaucoup de lieux, l’eaue ne les couvre point, et en d’aultres les couvrent. Et au dedans de ceste coste sont les gens appeliez Masamones, et est une terre plaine de montz et de sablons. Et est terre seiche et stérille, là où il n’y a guéres d’eaue. Et icy est le temple et la fontaine d’Amon, lequel édiffia Bacus, capitaine grec, filz dejuppiter. Lequel, en allant parmy ces désertz avec une armée de gens, ne trouvoit point de quoy il deust abbreuver ses gens, se mist en oraison, et pria son père Juppiter qu’il luy pleust luy donner secours à sa nécessité. Et ce faict, comme l’on dict, luy apparust ung mouton lequel le conduict jusques à une fontaine claire et bonne en laquelle Bacus et ses gens beurent, et se rassassiérent d’eaue. Et voyant Bacus que son père Juppiter luy avoit Eiict si grand bien, feit édifîier ung temple auquel fut sacriffié Juppiter en la figure ci’un mouton. Et par quoy Amon est à dire mouton, le fit ^ apeller le temple de Amon qui est à dire le temple de mouton. Et fut icelluy temple le plus renommé de toute l’Affricque. Et àcestuy alloyent les gens offrir leurs dons et promesses, et demandeoient à Dieu Juppiter les choses à advenir. Et parce que les presbtres du temple debvoyent donner la responce des choses que Juppiter disoyt, les escripvoyent sur une table de trois piedz, laquelle, pour ce faire, estoit ordonnée, et faisoyent