La Grande Syrte

2. En tête du folio 114, une carte avec la légende : La terre du temple de Asmon.

LA COSMOGRAPHIE

à croire que Juppiter estoit celluy qui respondoit en ung lieu qu’ilz appelloyent La Trompe qui estoit dedans ledict temple de Hamon. Et dict on que ceste fontaine avoit telle vertu que de jour elle estoit froide et claire, et de nuict claire et chaulde, bien tempérée. Et passé toutes ces provinces sont les gens tous noirs lesquelz ont des cheveux crespes comme laine de moutons noir, et la plus grand part habitent en fousses, à raison de la grand challeur. En toutes ces terres ne pleut que en juing, juillet et aoust, et les seucheresses en novembre, décembre et janvier. Les gens usent, pour leurs delîences, d’arcs, fleiches et javellines, et mangent racines d’arcalice ' au lieu de boire, et en toutes ces terres y a de plusieurs sortes de bestes saulvaiges sinon qu’il n’y a point de hours, car l’hours se veult (ou veoit) en terre de neiges. Ces gens Mafamones (sic) ont beaucoup de femmes et sont fort belles, et en toute l’Afîricque les femmes sont fort belles principallement au long la mer Méditerranée, et les villains vont plustost à ung jeune garson que à une femme. Et lesdictes femmes sont tousjours enfermées et le visaige couvert, tant sont jaleux, et leur baillent des serviteurs à celles qui sont grandz dames, qui sont chastrez, et sont tous idolastres. Et ont de beaulxgenetz qui sont chevaulx légiers, et ont force bestial de toute sorte, le meilleur de toute la terre, et de grandz champs d’herbaiges.

Tournant à la coste de la mer, je dictz que du cap de la Cathe, jusques à Tripple ^ de Barbarye, y a cinquante lieues, et gist la rouste l’est et oue'St, et prent ung quart de norouest et suest. Et est Tripole à