Rio Grande

reuse, laquelle commence auprès de ladicte montaîgne et va jusques auprès de la Terre Rouge ’ . Et entre ces basses et la montaigne Lyonne peuvent passer navires auprès de ladicte montaigne jusques auprès de la Terre Rouge. Et icy descend une bonne rivière. Et en ceste coste, et plus avant, sont les gens appelés' Sappes ^ , lesquelz ont des dentz poinctues comme aguilles. Et en toute ceste terre y a de l’or fin, principallement en la montaigne Lyonne, et en elle se faict du melleur et plus doulx fer de tout le monde. Et en ceste montaigne y a de diverses manières de monstres. En ceste montaigne y a des gens qui ne parlent point et sont faictz de la fasson des aultres, et s’en fuyent quant ilz les veoyent. Et y a des serpens grosses ^ comme le matz d’un navire de cent tonneaux. Et en ceste montaigne continuellement jour et nuict tonne, et ne sçait l’on qui le cause. Au pied de la montaigne, là oli est la rivière et le villaige Laou fi et habitent des Portugallais à cause F" 123 v». de l’or qui y est. Et de la montaigne Lyonne jusques au cap Saincte Anne ^ y a dix lieues. Et icy descend une grande rivière, laquelle est appellèe la rivière de Palme.

Et en la mer de la rivière de Palme sont les bans de Saincte Anne, lesquelz entrent bien vingt lieues en la mer. Et au meilleu d’eulx y a trois ou quatre isles qui sont appellèes les isles Boaves (pu Boanes) et sont