Annobon

LA COSMOGRAPHIE

la mer. Et dessus la ligne s’achève Aflfrique et commence la terre d’Estiope occidental. Et ledict cap de Loppe Consalve et la rivière de Camaran ^ sont en FEstiope occidental. Et audict cap de Loppe Consalve achève la nation des Ambons et commencent les gens Magnicongres lesquelz ont continuellement guerre avec les Ambos. Ces Ambos les mangent quant ilz les prenent, qui sont canibales. Les Manicongres par la plus grand part, sont Xprestiens. Ces Ambos ont de plusieurs sortes de bestes saulvaiges. La terre est fort chaulde. Du cap de Loppe Consalve y a cent dix lieues jusques à Manicongre, et la route gist norouest et suest. La rivière de Manicongue est une grand rivière, la plus grand de toute FEstiope et a bien dix lieues de largeur, et va ceste largeur plus de cinquante lieues au dedans. Et au dedans de ladicte rivière y a une grande bande d’isles lesquelles vont par le meilleu de ladicte rivière, et sont toutes peuplées de gens. Ladicte rivière est navigable plus de cent cinquante lieues en la terre. Et le commencement d’elle descend des montaignes de Lune qui sont les plus haultes du monde, et sont par les deux degrez de la haulteur du polie antartique. Et descendent en elles plusieurs aultres rivières. Ladicte rivière de Manicongue à son entrée en la mer, est par les sept degrez de la haulteur du polie antartique. Et sont toutes ces terres au roy de Manicongue qui est bon Xprestien. Et confinent au dedans de la terre en oriant avec le presbtre Jehan de la Judye (pu Indye) Ces Manicongues sont Xprestiens depuys trente ou quarente