La Indye. — La Jurie {Voy. avent

LA COSMOGRAPHIE

le poyvre et aultres marchandises. Et de Massambic au cap de Sainct Anthoine y a cinquante lieues. Et la route gist nord ouest et surouest. Et le cap de Sainct Anthoine est par les quatorze degrez de la haulteur du polie antartique. Ce cap tient devers le nordest la rivière de Sainct Michau, et devers le surouest la rivière de Sainct Anthoine. De ce cap jusques au port et rivière de Cymbe y a quatre vintz lieues et, entre les deux, est la ville de Mellide ‘ qui ^ est bonne ville et tient pour le roy de Portugal. Et ladicte ville de Mellide est près de Monbasse b Ladicte rivière de Cymbe est par les unze degrez de la haulteur du polie antartique. Et de la rivière de Cymbe à Monbasse y a soixante et cinq lieues, et la coste gist nord et su. Monbasse est par les sept degrez de la haulteur du polie antartique. En ceste coste y a beaucop d’isles. Davant Monbasse y a une isle ronde laquelle est environnée de l’eau du port et est toute pleine de bans de sables et de baptures à l’entour d’elle. La ville de Monbasse est bonne ville et tient pour le Roy de Portugal. Et au dedans de ceste coste, en la terre, est la nation des gens Traguladites ^ australz, et entre eulx y a du doux de girouffle et du ginjambre qui croist en elle. Et du coustè devers l’ouest de ceste ville de Mombasse, au dededans de la terre, est la montaigne Olympe ^ qui est