Serait-ce Segasmala

LA COSMOGRAPHIE

vaise roche dangereuse pour navires. Et en la coste sont tous gens Estiopiens. Car cecy s’appelle Estioppe oriental. Et du cap de Gardefol au cap de Arabye Félix qui est le destroict de la mer Rouge et mer de Mecque, y a trente et cinq lieues et la route gist norouest et suest et prent ung quart de nord et su. Et entre le cap de Gardefol et le cap Félix, en la coste devers le nordest, est la grand ville d’Ade ' qu’est la première ville d’ Arabye Félix. Le cap Félix et le destroict de la mer Rouge sont par les dix degrez et demy de la haulteur du polie artique. Et la ville d’Ade est par les dix degrez. La ville d’Ade est une belle ville bien attorée de tours, et y a en elle grand navigation de navires qui sont de ladicte ville, tous grands navires de plus de mil tonneaux et sont tablées de tablage de cane. Toutesfoiz la liéson est f» i3i r. de boys de la nature de la terre, et les tables n’ont point de doux et sont cousues de fillet de caire qui est une matière de palme, et sont si bien batumez d’ung batume si espais, qu’elles ne font pas une goûte d’eau. Et lesdictes tables sont cousues de chevilles de boys à la liaison. Et ne naviguent que à leur esté. Et ainsi est en la ville de Juda et en toultes les aultres villes. Car en ceste terre d’Arabye Félix y a des canes aussi grosses que baricques. Ce cap Félix est l’antrée de la mer Rouge. Et à ceste entrée, a son commancement quarente lieues de latitude jusques au cap d’Arabye Félix.

Et d’icy jusques à l’aultre cousté de Tabarque là où est le plus destroict de la mer Rouge y a trente lieues de largeur. Et de ceste entrée jusques à Tabarque y a cent (lieues). Ce destroict de la mer Rouge aune isle au