Tabarca, île prèsde La Galle
LA COSMOGRAPHIE
meilleu, et d’elle à la terre ferme n’y a que une lieue. Et n’y a point d’eaue en elle, et l’entrée est par les dix degrez et demy de la haulteur du polie artique. Et Tabarque est par les unze degrez. Et la terre du plus destroict est la terre d’Ire laquelle est fort riche d’or et est grand province. Toutes ces terres, depuys Horrane, se trouve en elle force d’or, et sont terres ausquelles c’est plus trouvé d’or que en nulle partie d’Azie, d’Europe et d’Affrique. Et dient les gens de la terre qu’il ne sert à riens, et qu’il est sans proufîict. Et baillent pour ung poysant de cuyvre, deux ou trois d’or, et cinq ou six poisans d’or pour ung poysant d’argent. Et ces gens icy sont Troguladites, et aultres Estrofuges et Créophagues et Curthes. Les Curthes et tous ceulx icy sont tous Estiopiens, et vivent de poisson de mer qu’ilz prenent et le font rostir au soleil, et font de pain de poisson pour manger quant le temps n’est propice pour pescher. Et quant ilz ne peuvent pescher, ilz mangent du pain de poisson et mangent aussi des coquilles qu’ilz F» i3i V». prenent le long de la coste de la mer. Et en la terre d’iceulx y a beaulcoup (d’) estoruca et benjuhin qui est une matière de gosme d’arbres qui sent fort bon, et sont choses aromatiques. Et au dedans de la terre sont, par la plus grant part, pasteurs et ont force bestial et en vivent. Et ne labourent jamais de terre et habitent en cavernes. Et ceulx d’au long la mer qui vivent de poisson, quant ilz meurent, ilz se gectent en la mer, et dient que pour aultant qui vivent de poisson, qu’il fault que le poisson les mange. Et à Diran commence la mer Rouge et va jusques à la terre des Idumées qui est auprès de Judée et d’Arabye. Et par elle se sépare Estiope d’Azie. Et depuys le destroict et entrée est le port
LA COSMOGRAPHIE
de Sabba, et ce port de Sabba est le port là où il se faict la plus grand trafîique qui se fait en Estiope. Et icy viennent les marchans d’Arabye Félix. Et plus avant de cestuy cy est le port de Elléfante (ou Elléfanton) Venatio ù et plus avant est le port de Tholoméde ^ qui est auprès des désertz. Passé les désertz,enla terre d’Egipte, est le port Acothe ' auprès le lacMérudis F là où la descharge des marchandises qui viennent d’Estiope, d’Arabye et de la Indie. Et le long de ceste coste d’Estiope, d’est (sic), la mer Rouge est bonne de naviguer sans danger, et du cousté d’Arabye Félix ne se peult naviger à cause des bans, baptures et rochiers et sommes qui sont fort dangereux. En ceste Estiope, y a plusieurs sortes de gens de diverses manières. Et sont tous noirs.
Et la plus grand part sont pasteurs. Et la plus grand part des Estiopiens sont petites gens et faibles, et vivent courte vie et multiplient fort. Et la plus grand part des femmes portent trois, quatre et cinq enffans d’une ventrée. Et y en a aulcune d’iceulx qui ont lances et dates, et d’aultres qui usent d’arcs et fleiches pour leur deffense. Et en toute l’Estiope ne croist point de bled, sinon du cousté du septentrion. Mais cueullent, en d’aulcuns lieux du Nil, avoyne et du ris, f» 132 r. et font beuvraiges de rassines et de palme. Et y en a d’entre eulx qui beuvent le lait meslé avec du sang. Et ceulx icy font forces fromaiges. Et, en ce pays, sont les Piguemineurs ^ qui sont si petitz qu’il en fault sept pour eulx deffendre d’une grue. Et sont de la terre du prebstre Jehan de la Indie. Et multiplient aultant que les aultres. Et sont bons laboureurs. Et en la terre de
