Pygmées

Alfonse

LA COSMOGRAPHIE

ceulx icy y a du bled. Et en ceste Estiope, y a plusieurs bestes dangereuses, et y a une espèce de bestes qui semblent à fourmiz, qui sont maulvais comme lyons, lesquelz ilz appellent fourmiz. Et s’appellent aussi aldifodines (ou aldifodunes). Et je croy que ce soit une race de fourmiz et sont grandz comme regnars. Mais ilz sont maulvais comme lyons. Ces fourmis arrifodunes tuent les hommes, et les craignent fort. Et de craincte qu’ilz ont d’eulx, n’osent aller sercher l’or aux montaignes. Et icy y a une beste que l’on appelle rénocéron qui est de la coulleur d’un elléfant, et est en fasson d’une mulle, et a le visage comme ung porc. Et samble sa peau qu’il soit bardé comme ung cheval d’armes, et n’est point plus grand que ung beuf ou que une grand mulle. Et a la teste, fort longue, et a les oeulx, plus bas qu’il a teste auprès d’une corne qu’il a sur le museau qui est dangereuse, revirée en l’air comme ung crochet, et a les oreilles quasi comme une mulle, et est plus fort que les elléfans, et les bat. Et y a des chameaulx qui sont bandez de bandes de diverses coulleurs L Et y en a d’aultres qui semblent dains et ont la face comme ung lyon, et beaucoup d’aultres bestes à nous incongneues. Les gens Traguladites par la plus grand part sont tous pasteurs, et en toutes les Estiopes les femmes sont communes. Et si l’on prent une jeune fille oultre son gré et voluntè et que l’on ayt son puccellaige, ilz payent d’amende seulement une ouaille ou une chièvre. Les gens vont nudz, et en d’aulcuns lieux la terre est fertille, et y a en elles choses aromatiques, doux et gymjambre qui croyent en elle. Tournant cà la mer Rouge et au