Bagdad

4. En tête du folio 1 34 recto, une carte avec la légende : « La mer de Perse ».

LA COSMOGRAPHIE

ménie (ou Armène), d’un grand lac, et passe au long la montaigne Thauro, et court par la terre de Mésopotamye, Là où elle entre en ung lac. Et à la sortye du lac, une ou deux lieues plus bas, elle se mect par dessoLibz la terre, et va, par dessoubz elle, sept ou huyt lieues, et à sa sortie sort fort rude et furieuse. Et, avant qu’elle approuche de Babilonne, se assemble avec Euffrates. Et en sortant des montaignes Thaures, en occident, est la terre de Mésopotamye, et du cousté d’oriant, la Cirie, qui sont terres fertilles, et icy adménent paistre tout leur bestial en l’yvert. Et en toutes ces terres et en la Babilone croist le natan ^ de quoy se faict le gouldron, et ne se peult estaindre avec de l’eaue, mais s’estainct avec du vinaigre. Et en ceste terre se nourrist la piarre appellée gangetyn qui est celle de quoy fouyent ^ les serpens. Ceste Mésoppothame tient les montaignes du cousté de Arabye déserte là où sont gens Estenettes. Et en ceste terre de ces gens Estenettes, lesdicts gens qui habitent en elle, ne sont que larrons, et est grand province de longitute et non (sic) guerres de latitude, et dure depuys les montaignes Thaures jusques auprès de Babilone. Et y a de bonnes villes riches, et est entre le Tigre et la rivière Euffrates, et, en oriant d’elle, est la Cirye. Cirye est entre la rivière du Tigre et la rivière de Mède. Mède est en oriant du Tigre et en occident à la Babilone, et a, l’austre midy, la Susye, et au septentrion a le mont Turan et les Armènyes. Et par ceste Cirye passa Alexandre, quant il voullut passer aux Mèdes et aux Cites. Et icy luy deffendirent le passaige

1. Le naphte auquel Alfonse paraît faire allusion, est une substance minérale, et non une plante.