Dermouze, Ermouze {Voy. avent.). Ormuz

LA COSMOGRAPHIE

va jusques à la Grand Babilonne qui fut destruictc. Ces Caldées sont ceulx que nous appelions Egiptiens, lesquelz sont tous magiciens. Et en ceste terre sont tous philosophes et astrologiens. De Faultre cousté, devers l’oriant, est la terre de Perse, et entre elle et Euffrates est la terre de Sussye La rivière Euffrates descend des montaignes d’Armène, d’un grand lac qui est au pied de la montaigne, là oîi demoura l’arche de Noé après le déluge, et va ceste rivière en occident jusques à Capadoce, là oîi il y a force cristal. Et de là tourne ladicte rivière à l’austre midy et attraverse entre les montaignes Thaures, et passe entre la province Camagène et de Mésopotame. Et icy y a ung beau pont avec ung fort chasteau. Et par icy passa Alexandre avec son ost. Et en allant en bas vers la Perse, faict plusieurs virounées ^ et tours, et entre en la province de Cirye. Et ainsi qu’elle s’approuche d’Arabye déserte, elle tourne en oriant vers la ville de Ballachie qui est la ville la plus ancienne de Babilone et est pour le présent appellée Baldac A Et ladicte ville de Bal- F“ 1 34 r. dac est assise sur la rivière du Tigre, et ycy se assemble la rivière du Tigre avec la rivière Euffrates, auprès de la vielle Babilone, et passe par Babilone et entre Caldèe et Sussye, et va descendre en la mer de Perse. Et entre en la mer par deux gorilles comme si elles se dèpartoyent l’une de l’aultre. Et à leur descente en la mer, font une belle isle appellée Thèrèdon. La rivière Tigre, laquelle s’assemble avec Euffrates, descend des montaignes d’Ar-