I. Bagdad

LA COSMOGRAPHIE

ceste Susye tut la royne Ester qui fut femme du roy Assuérus, laquelle délivra le peuple desjuifz de la sentence que Anaman feit donner contre eulx. Ceste Ester estoit entre les Juifz quand ilz fuirent d’Egipte. Et le roy Assuérus fut seigneur de soixante et sept provinces de FAzie et la Judée. Et parceque Susie estoit la plus noble et la plus fertille, habitoit en elle. Et icy est la sépulture du Roy Cire, roy de Babilone, lequel feit rédiffier le temple de Hyérusalem, ainsi que le testiffie le prophète Hédra. Et icy est aussi la sépulture de Cercés, roy de Babilone. En ceste Susie estoit la maison de tous les roys et seigneurs de Perse et Médie, et habitoyent, lesdicts roys et seigneurs, en ceste Susye, en l’yvert, et en esté en Ircanye. Et en esté la challeur y est si grande que, sur le midy, l’on ne seroit (.s/c) sortir des maisons. Et la cause de cecy est que du cousté du septentrion y a de fort haultes montaignes lesquelles ne consentent pas que le vent du septentrion vienne jusques à eulx. Pour raison de quoy elle est fort chaulde, et aussi continuellement y ventent les ventz de l’austre midy, qu’est la cause qu’elle est malladeuse et humide, par quoy ilz s’en vont en esté en Ircanye, à cause du bon air et doux. Et ceste terre, depuys Balde jusc^ues à la mer Persique, est toute belle terre platte, gentille, et là où il y a forces bonnes villes et riches de beaucoup de trafhques. Et pour le présent est appellée, ceste province de Susye, leroyaulme deMassade' (cm Masseul), là où est la ville de Massade (pu Masseul), en laquelle se font forces draps d’or et de soyes. En laquelle a longtemps régné ung calliffe, ennemy des Xprestiens, lequel ne