I . Mossoul
faisoit aiiltre chose que les martiriser pour leur faire laisser la loi de JhésuChrist et estre Sarrasins. Et ceulx f» i36 r». qui ne voulloient délaisser la foy de Jésu Crist, les faisoit mourir martirs. Et leur dist puisque ilz croyent en l’évangille, qu’ilz fassent ce qui estoit en icelle, où il est dict : « que quelcun avoit foy aultant qu’un grain de moustarde, qu’il feroit transmuer les montaignes d’un lieu à l’aultre ; » et que feissent requeste à Dieu ; et que s’ilz faisoyent cecy, il leur saulveroit la vie, et si ne le faisoyent, il les feroit mourir ou croyre en sa loy. Ce voyant, les Xprestiens qu’il tenoit prisonniers, prièrent à ung pauvre cordonnier d’entre eulx, lequel estoit borgne et estoit de bonne vie, et le prièrent qu’il priast Dieu pour eulx, que ce fust son bon plaisir exaulcer leurs prières et oraisons, et faire que ceste montaigne se remuast au lieu où avoit assigné le califfe. Ce que feit ledict cordonnier. Et son oraison faicte, en cest instant, se changea ladicte montaigne par la permission de Dieu. Quioy voyant, ce califfe se tourna Xprestien. Et de ceste Susye, en allant de Baldac le long de la rivière Euffrates vers la mer de Perse, est la ville appellée Totis où vont et viennent les navires, premier que de venir cà Baldac. Et est celle laquelle aultrefoys a esté dicte Sutassenne et est grand ville bonne et riche.
Et icy se font forces draps de soye de toutes sortes et draps d’or. Et icy arrivent forces piarreryes, espiceryes et aultres marchandises, lesquelles viennent des Indes, d’Arabye Félix et d’Estiope, et d’aultres plusieurs lieux.
Et est ville fort délectable de beaulx jardins. Davant Perse y a une montaigne et désertz plains de maulvaises gens, lesquelz vivent de larcins. La rivière Euffrates passe entre Caldée et Susye et va descendre en la
LA COSMOGRAPHIE
mer de Perse. Et quant elle est auprès de la mer, elle se départ en deux, et faict une bonne isle laquelle s’appelle Thérédon. Et est une bonne isle en laquelle y a d’une espèce d’arbres petitz, lesquels sentent cà l’odeur de musqué, et en portent. Et la racine desdictz arbres baille et rend ung juz de grand odeur. Et en ceste mer de Perse, y a beaucoup d’isles, entre lesquelles y en a une où croiscent les marguarites fines et beaucop d’aultres piarres précieuses. Et d’icy viennent la plus grand part des piarres précieuses, et d’icy les mènent par la mer F» i36 V». de Perse cà Hermoux ' qui est à l’entrée de ladicte mer de Perse, en ceste isle de sel là où le roy de Portugal a ung chasteau et sa facterie. Et, de la descente en la mer de la rivière Euffrates, la coste de la mer de Perse gist l’est et ouest et prent ung quart de nordest et surouest, jusques auprès de la terre de Carméne L Ladicte mer de Perse a cent quatre vingtz lieues de longitude. Et passé Susye est la terre de Perse. Perse tient du cousté d’oriant la terre de Carméne, et du cousté d’occident, la terre de Susye. Et du cousté de l’austre midy est la mer de Perse, et devers le septentrion de Perse est la terre de Médye. Perse est la meilleur terre de toute l’Azie. Au temps passé les gens de ladicte terre de Perse ne sçavoyent combattre, et estoyent subjectz aux Médes, et après furent subjectz aux Partes. Et après ce temps icy, furent les Médes et Partes subjectz aux Persans, et la plus grande partie de toute l’Azie. Et en ceste Perse s’en alla Membroh après la confusion de Babilone et fut seigneur d’elle. Et ceste terre de Perse, au long la mer Persicque, est montaigneuse et aspre et stérille,
