I. Ornuiz. V. plus haut
LA COSMOGRAPHIE
le cap de Gédyosie par les vingt sept degrez de la mesme haulteur du polie arctique. Auprès de ce cap, du cousté de l’ouest, se faict ung grand goulfe, et icy descend une bonne rivière. Toutesfoyz elle est, à son entrée, somme et pleine de basses et de baptures dangereuses pour navires, et le goulfe aussy plain de bateures. Et, passé le cap, tourne la coste nordest et surouest, trente et cinq lieues, et icy descend une rivière appellée Arabe qui est bonne rivière et grande, et descend des montaignes appellées Rugoses et passe par la province de Drangiane et par la province de Gédyosie. Ces provinces sont différantes, pour ce que la province de Drangiane est terre seiche et stérille, et sont contrainctz de garder les vivres d’une année à l’aultre. En beaucoup d’années ilz ne cueullent guéres de vivres en elle. La terre de Gédyosie est une terre fertille et délectable. En ceste terre de Gédyosie reposa Alexandre en retournant de la Indie. Et quant il passa les désertz qu’il luy mourut beaucop de gens, et avoit passé par Carménye, là où on luy feit grand recuel et de grandz présens. Et de la rivière Arabe à la rivière Idous y a quatre vingtz lieues, et la route gist noroest et suest en la mer Occéane. Et est l’entrée de la rivière Idous par les vingtz trois degrez de la haulteur du polie artique. Et entre les deux rivières descend la rivière appellée Aborricon, et icy est la province Aborricon. Et après ceste cy est la province Norrite. Et de ceste Norrite jusques à Gédersye sont tous desertz secz, esquelz il n’y a point d’eaue. Et icy fut là où Alexandre perdit beaucop de ces gens, lesquelz se perdirent de soif, et se veid en plus grande nécessité que oncques il s’estoit veu et pensoit que ce fust par sa faulte. Depuys la pro-
Alfonse
LA COSMOGRAPHIE
vince des Norrites est la province des Aborricons qui sont bonnes gens. Et après de ceste icy est la province des gens Sanys Les gens de ceste province de Samy sont gens de guerre et belliqueux et usent de fleiches empoisonnées. Ceulx icy mirent Alexandre en grand nécessité, tellement qu’il ne sçavoit que faire, et aultant qu’ilz blessoyent de ces gens, ilz mouroyent sans leur pouvoir donner remède. Et voyant Alexandre F» i3g r«. que ceste guerre estoit aultre que celle qu’il avoit à coustume, ne sçavoit quel remède y donner. Et parce qu’ilz luy avoyent blessé Tholomée d’une fleiche empoisonnée, de quoy il estoit bien dolant, et pensant en le mal de Tholomée et qu’il ne pourroit eschapper, il s’endormist, et songea qu’il veid ung dragon lequel avoit en sa bouche l’herbe prépote qui est contre la poison, et qu’il en mectoit du juz sur la playe de Tholomée, et qu’il guérissoit. Et sur cela s’esveilla et feit chercher l’herbe, et la trouvèrent, et feit mectre le juz de ladicte herbe en la playe de Tholomée, et tout incontinant fut guéry. Et voyant qu’il avoit trouvé le remède contre la poison, combattit fort contre eulx, de sorte qu’il les mist tous en sa subgession. Et en ceste terre y a ung arbre qui a la feulle comme liarre, tousjours verte, et a le fruict d’une belle monstrance ; et quant ceulx de Alexandre en mangeoyent, après mouroyent ; et s’ils se mectoyent à l’umbre, ilz devenoit (sic) aveugles, et leur enfloyent les yeulx aussi gros qu’ilz sortoyent hors de la teste. Et ne vous esmerveillez pas de cecy, car je l’ay veu aux Indes occidentalles en la ville de Darien et une aultre ville qui est appellée Cara-
