I. Haïderabad
LA COSMOGRAPHIE
l’art de médicine, et sont grandz médecins, et tout leur soucy et plaisir est d’aller à la chasse et à choses délectables. Et tient Musicanye, en occident, les gens Perticanes, lesquelz vivent de la mesme manière d’eulx en toutes choses. Et après la Musicanye, en oriant, sont les gens Sabaries, et icy y a une ville laquelle feit édiffier Alexandre le Grand qu’est appellée Alexandrye, et sont les gens de ceste province fort vaillans gens. Et au septentrion de ceulx icy sont les gens Sédraces. Et en ceste province entra Alexandre en une ville par dessus les murailles, premier que tous, et icy fut fort blessé et à son entrée tua trois hommes. Et estant ainsi blessé et environné des Sadrasses, étayant trois hommes mortz à ses piedz, et en ne pouvant plus, le vindrent secourir ses gens par dessus la muraille, et aultres persérent les murs. Ces Sadraces sont gens fortz et de grand cueur. Et entre eulx et leurs circunvoisins y a continuellement guerre. Toutesfoys voyant que Alexandre alloit contre eulx, se feirent amys et se rallièrent ensemble contre ledict Alexandre, et se portèrent aussi vaillamment que si jamais ilz n’eussent de guerre ensemble, et comme si jamais ils n’avoyent esté ennemys.
F» 140 r». Pour ‘ la terre des Sadrasses, dessent la rivière Indus et la rivière Aracothe qui descend des montaignes de Combre et Paraponise, et passe par la terre des Drangianes. Arracosye entre en ung grand lac et de là va à la terre des Sadraces et s’asemble avec la rivière Indus. Entre la rivière Arracothe et la rivière Indus est la province des Sabiens, et en occident là où s’assemble la rivière Caspius avec la rivière Idus, entre l’une et l’aultre, sont
I. En tête du folio 140 recto, une carte avec les légendes ; L’entrée de la mer de Perse, Ormus, Tétheline (?), rivière Ydus.
LA COSMOGRAPHIE
les gens Pétradorins, lesquelz Hercules ne peut conquester. Et ceste province est grande et forte et est haulte terre, et n’a que une entrée à cause des rivières.
Ceulx cy demandèrent à Alexandre s’il avoit belles pour voiler, et luy dirent qu’il ne pou voit entrer en la ville s’il ne voulloit. Toutesfoys posé qu’il n’eust point d’helles, la print par force. Et plus avant auprès de la montaigne Paraponise est la ville Magace, par laquelle passa Alexandre, quant il fut à la rivière Caspius et qu’il passa à la Indie. Et en oriant de ceste rivière Caspes est la rivière appellé Assan. Et entre les deux rivières en oriant est la province des gens Baudobyns et celle des Gandaryes (ou Gandaryns). Et après la rivière Cansane (Canfane) est la rivière Idus. Entre la rivière Cansane (ou Canfane) et la rivière Idus est la province de Cassenye et celle de Musecanye, Ascanye et plusieurs aultres. Et en ceste icy d’Alcanye est la ville de Magoce. Ladicte ville est auprès de là où descend la rivière Affan, et de la rivière Caspie, lesquelles deux rivières se vont assembler avec la rivière Idus. Ceste ville de Magoce est une ville qui a esté fort renommée et est la principalle de toutes ces provinces. Et auprès de la rivière Ydus f- 140 v». est la ville Péricollate, là où Alexandre passa la rivière Idus par ung pont qu’il feit faire. Et après la rivière Idus, plus en oriant, est la rivière appellée Idaspis. Et entre ces deux rivières est la ville de Taxilie qui est une ville de grande justice, et est la principalle ville de toute ceste province. On dict que ceste terre de Taxilie est aussi grande que toute Egipte, et au septentrion d’elle est la terre Abisares. Aux montaignes de ces Abisares, y a dragons et serpens de cent et cent quarente piedz de longueur. Et toute ceste terre de Taxilie est bien
LA COSMOGRAPHIE
fertille de tous vivres et de bestial, et y a forces elléphans et forces boys de cypretz et de cèdres.. Et après la rivière Idaspis, plus en oriant, est la rivière Azasaris, et entre ces deux rivières est la ville de Père ' et la ville de Cathe qui est la principalle de la terre. Et en ceste province dyent qu’ilya cinqmil villes, lesquelles, au temps d’Alexandre, les subjuga ledict Alexandre, et en èdiffia une auprès de la rivière Idaspis qui s’appelle Nycèe, en mémoire de ce qu’il avoit vaincu et conquestè Apore d’où estoit icelle ville ; et une aultre ville qui s’appelloit Busèfalle Là où mourut son cheval qui s’appelloit du mesme nom Busèfal, qui estoit ung bon cheval en bataille. Et toutes ces terres sont riches. Après la rivière Assacynye, laquelle se assemble avec la rivière Idaspis, en oriant est la rivière Ypany. Et ceste rivière est la dernière en oriant de toutes icelles qui s’assemblent avec la rivière Idus et la plus grande de toutes les aultres, et, ainsi que toutes ensemble font la rivière Idus si grande qu’elle a deux ou trois lieues de largeur. Et ceste dernière rivière qui est plus en oriant, descend des montaignes Emodes de là où descent la rivière du Gange. Entre ces deux rivières Asasynys et Yponys est la province de Jarotidan et celle des Sobores, et y est la ville Cathèe qui est de gens Sophistes. Et en ces provinces et en la ville, sont riches d’or et d’argent F- 141 r. et de pierres ^ précieuses. Les gens de ladicte terre sont vaillans gens et gens de guerre. De ceste rivière Ispanyse retourna Alexandre le Grandet jusques seigneuria toutes
