Ou Pore

2. En tête du folio 141 recto, une carte avec les légendes : La coste Cambaye, la terre de Gougera, Goue, mer de Goue.

LA COSMOGRAPHIE

ces terres au dessus nommées de la Indye et de l’Azie jusques à la mer Méditerranée et jusques à la fin de la mer Olypont et de la rivière Tanays. Et la cause pour quoy il se retourna, ce fut pour raison de l’importunité de ces gens qu’ilz s’en voulloyent retourner et ne voulloyent pas passer plus avant, et à cause des gens mariez qui estoyent déjà vieulx de le suyvre. Car il y avoit dix ans qu’ilz estoyent sortiz de Macédoine. Et, d’une aultre part, il y estoit bien advis qu’il avoit conquesté tout le monde et que, au delà de la rivière Idus, n’y avoit plus de gens qui sceussent combattre. Et aussi ceulx de la rivière Ypony luy dirent qu’il n’y avoit que dix ou douze journées de chemyn jusques à la rivière du Gange et que là il y avoit grand quantité de roys, et qu’il y en avoit ung qui avoit plus de trente mil chevaulx et trois mil elléphans, et deux cens mil pyonniers, et qu’il seroit bien difîicille de le pouvoir subjuguer, et qu’il avoit en sa compagnie ung grand philosophe et enchanteur qu’il luy disoyt toutes les choses venues et à venir. Et luy demandèrent pourquoy il voulloit tant de terres subjuguer. Car posé qu’il possédast tout le monde, il ne luy proufîiteroit de riens, car il ne le pourroit garder ne gouverner, et ne luy vouldroyent pas obéyr. Et oyant cecy, délibéra de s’en retourner pour faire plaisir à ces gens, et pour s’en venir conquester Affrique, Espaigne, Gaulle et la Germanye, qui sont en Europpe, laquelle chose il f» 141 v». ne feit pas. Et toutesfoys il se retourna d’icy et envoya de ces cappitaynes davant en Cirye pour faire navires prestz pour passer en Europe, d’un grand couraige et bon voulloir comme ung homme digne de mémoire et de grand honneur. Et aultant de roys qu’il prenoit, leur layssoit leurs royaulmes, et d’ennemys les faisoit amys,

moyennant quelque tribut, lequel il leur plaisoit bailler, et quelque cougnoissance d’obéissance comme à son supérieur. Tournant à la coste de la mer et à la rivière Idus, Là où sommes demourez, je dictz que après la rivière Idus et la riviéte Ypanys \ lesquelles sont en la seconde Indie, est la province de Gougarride là où sont les gens appellés Sophistes, qui est entre la rivière Yponyn et la rivière du Gange. Geste terre est riche d’or et de piarres précieuses, et d’espiceryes et de plusieurs aultres choses. Et ces terres, devers oriant, soulloyent estre au grand prebstre Jehan de laindye ^ et auparavant sont toutes à la subgection du grand Tartre de Tartarye. En ceste terre d’oriant du Tartre, y a des chiens qui sont plus puissans que lyons et tuent lesdicts lyons tant grandz soyent, et sont si fortz que quand ilz tiennent une proye, jamais ilz ne la laissent aller. Et les gens de la terre eslisent pour leur roy celluy qui est le plus grand et le plus beau. En ceste terre, les femmes se maryent avec l’homme qui leur plaist et si le mary meurt premier quelle, il fault qu’il soit bruslé et quelle se brusle avec luy toute vive. Et cecy fust ordonné pour luy à cause de la luxure des femmes qui, pour l’amour de leurs amoreux,faisoyentmorir leurs maritz. Et à celle fin qu’elles ayent soucy de prandre et garder leurs F» 142 r». maritz,lesbrullenttoutesvives.CesgensSouphistesvindrent à Alexandre et luy firent présent de ces beaulx chiens, lesquelz chiens tueoyent les lyons, et luy apportèrent ung grand présent de piarres précieuses. Et d’icy s’en