Goudjerat

3 . De cette indication il résulte bien que dans tous les passages où il est question du prêtre Jean, il serait bon de lire Indie et non Judie.

retourna à la rivière Paspis, là où il feist faire beaucoup de navires et galléres de cèdres et de cypretz. En lesquelles gallères, il passa à la rivière Idus, et de la rivière Idus, en bas, jusques à l’isle Pantalyne, et d’icy s’en retourna à la mer de Carmènye par la rivière Idus, et à la terre de Perse et à la Grand Babilone, là où il fut empoisonné de ces gens et en mourut. Et feit Tholomèe porter son corps à Alexandrye là où il est inhumé. Et quand il partit de l’isle Pantalin, envoya à la mer Paciffique certains cappitaines en dix navires et entrèrent par la rivière du Gange, ainsi que d’eulx est escript. Et ceulx icy veirent ce qu’il y avoit. Et pour ce j’ay voullu dire cecy, pour ce que n’ay point trouvé en nulles histoires du temps passé que en parle, plus certain, que ledict Alexandre le Grand et Tholomèe, je dictz que Alexandre ne passa pas plus oultre que la rivière Pavyn. Et d’icy s’en vint à l’isle Pantaline qui faict l’entrée de la rivière Idus. Et par ladicte rivière s’en alla en la terre de Carmènye et de là à la terre de Perse, et ceulx qui furent au Gange et à Palymporte, furent ceulx icy ; le roy des Sodianes et le prince Héradére, prince des Batranes et plusieurs aultres comme au dessus a esté dict. Et tout ce que au dessus en a esté dict, est certain. Car j’en ay veu la plus grand partie des expériences. Et oultre cela, des histoires des Indes est la plus certaine, celle d’Alexandre et de Tholomèe, selon qu’il apparoist au présent par tous ceulx de notre Europe qui y ont navigué. E aussi n’y a point de toutes ces Indes plus ancienne escripture que ceste cy. Et ne se trouve point hommes qui ayent cheminé par toutes les provinces des Indes que ledict Alexandre et Tholomèe. La raison est veu que nous avons navigué par toutes les f» 142 v«.

LA COSMOGRAPHIE

costes des mers Oxéane, Paciffique et par plusieurs aultres, est raison de le soubstenir, puisque nous le trouvons véritable. Et du Gange en oriant, jusques à la dernière Inde qui est appellée Cattay, là où soulloyent estre les terres du presbtre Jehan, et la terre des Gotz et Magotz, et de ceulx icy n’y a aulcune escripture antique, sinon celle du roy Sodiane, et de ce que nous avons veu au présent, par le rapport d’un chacun qui a esté et couru jusques à Malluque,à la Chine et à la Jave et au Cattay ; et plus avant n’ay point esté.

Puisque nous avons dict et parlé d’Estiope et de la première Inde, est raison que nous parlions des aultres deux Indes. Les Indes se partent en trois. La première est du destroict de la mer Rouge et de Perse jusques à la rivière Idus. Et la seconde est de la rivière Idus juques à la rivière du Gange. Et la troisième est de la rivière du Gange jusques au Cattay. De la première avons dict, et la seconde commancerons de la rivière Idus. Je dictz que de la rivière Idus jusques au cap Cumery ' y a deux cent cinquante lieues, et la coste gist nord nordest et su surouest. Et en ceste coste y a de bons portz. De la rivière Idus jusques au port et rivière de Goé ^ y a quatre vingtz lieues. Et est entre les deux le port de Chaoul ^ et celluy de Dabour et le port de Combadan ^ qui sont bons portz. Et est la terre bonne, et bonnes gens.

F» 143 r. Chaoul ^ est par les dix neuf degrez de la haulteur