Calicut

LA COSMOGRAPHIE

auprès la montaigne de Lyn est la ville de Cananore et Batécala. En toute ceste coste, à la mer et au long la coste, y a beaucoup d’isles grandes et petites. Et davant la montaigne de Lyn, du cousté d’occident, y a trois isles. Et y a de ladicte montaigne à la première trente lieues. Et la derrière est la plus grande et s’appelle Sècutara qu’est une bonne isle, et y a en elle force ambre gris. Ces isles de coustè du septentrion ont des maulvaises roches dangereuses pour navires, et au coustè de l’austre midy ont les isles de Candare et de Caboly L Et entre ces isles et les aidtres premières dictes, y a aultres deux isles, l’une desquelles est peuplée d’hommes et l’aultre de femmes. Et en trois moys de l’an les hommes vont habiter avec les femmes, et s’ilz y sont davantaige, ilz meurent. Et les trois moys sont icy novembre, décembre et janvier qu’est leur esté. Et après chascun retourne en son isle. Et si la femme demeure grosse et enfante une fille, demeure avec elle. Et si elle enffante ung filz, elle le nourrist trois ou quatre ans, puys après l’envoye à l’isle des hommes. En toutes ces isles y a force d’ambre pour raison qu’il y grand pescherye de balaines. Et peschent les femmes de ces isles aussi bien que les hommes. Et en peschent grand quantité et le font seicher, puys le portent vendre en d’aultres parties. Tournant à la coste, je dictz que des montaignes de Lyn, comme j’ay dict, àCallicou, yaquarente et cinq lieues, et est ledict Callicou par les dix degrez de la haulteur du polie artique. Et de Callicou à la rivière de Cochyn, là où se charge toute l’espisserye qui vient en Portugal, y a trente lieues, et la route est