I . Cubali, dans Mercator et Hondius
nord norouest et su suest, et est Cochyn par les huyt degrez et demy de la haulteur du polie articque. Cail- h4 licou et Cochyn sont bons portz, de grand trafique de toutes espisseryes, appoticaireryes et piarreries, là où il secueulle grand quantité de poyvre et gymj ambre, lacart, myrabolane, et aultres. Les gens sont petites gens et sont tannez et habilles gens et sont idolastres.
Et aulcuns vont nudz de la saincture en hault, et d’aultres bien vestuz de bonne soye, et adorent le beuf et la vaiche. Leur mangé est lait et rys, chair de moutons, et ne mangent point de beuf, et les enterrent quant ilz meurent, comme une personne. Et beu vent vins de palmes et vins qui leur sont portez de Portugal, la pipe desquelz vault cinquante escuz de par de là, et ne les estiment non plus que nous faisons dix frans, à cause qu’ilz sont riches. Et entre eulx courent monnoye d’or qu’ilz appellent perdaulx qui vallent trente solz. Et à cause de la grand espisserye et piarrerye qu’il y a, y habitent forces marchans Xprestiens, et de toutes les aultres parties en Cochyn, en Callicou et en toute la terre d’alentour. En ce pays prent la femme tant de maritz quelle veult, et aussi en la terre des Grageratz (ou Gougeratz), qui est entre elle et Cambaye, là où croissent les corralynes (ou corrnalynes). Ledict Cambaye est auprès de l’isle de Diu là ou le roy de Portugal a de présent ung chasteau qui est par les vingt trois degrez et demy de la haulteur du polie artique. En ceste ville de Diu souloyent tenir les rivières forces galléres par le commandement du Turc, et, à ceste heure, à cause du chasteau de Portugal, se tiennent en Cambaye, nonobstant que la mer est toute basse de bans et de baptures. Et entre Diu et Cambaye y a une rivière là où elles se tiennent. Tour-
LA COSMOGRAPHIE
nant à Cochyn, et comme j’ay dict, la femme prent, en Cochyn et en Callicou, tant d’hommes quelle veult et s’accorde avec ung chascun, combien ilz luy doibvent bailler, ainsi comme ilz s’accordent, l’un plus, l’aultre moins, et n’oseroit avoir affaire à d’aultres que à ceulx que elle a prins et choisy, après qu’ilz sont ci’accord, ne 144 eulx à d’aultres femmes. Et quant l’ung de iceulx veult habiter avec elle, il laisse ung signe à la porte pour donner à cougnoistre qu’il est dedans. Et durant qu’il sera dedans, les aultres n’y viendront point. Et s’il advient qu’elle engroisse, elle baille l’enffant à qui il luy plaist. Et leurs habillemens quelles portent, sont de coûtons et de soyes, et se couvrent depuys la saincture jusques aux thallons. En ceste coste, au dedans de la terre, est la province de Tangur et Collugur (pu Colluguo ou Colluquo). Et tous les gens de ceste terre adorent le beuf et la vaiche. Et au dedans de ceulx icy est le royaulme d’Anassyngor qui est le plus grand royaulme de toutes les Indes. Et sont gentilz comme au temps passé. Et est si grand seigneur qu’il mect sept ou huyt cens mille hommes en batailles et trente mille elléfans. Tournant cà la rivière de Cochyn, je dictz que en la rivière de Cochyn y a coquodrilles. Ce coquodrille est ung poisson lequel a forme d’homme humain, et de jour se tient en l’eaue, et la nuict aulcunesfoys descend en terre et allument feu avec quelque manière de boys qu’il y en a en icelluy pays, et, selon que l’on peult entendre, rôtissent leur poisson qu’ilz mangent et qu’ilz apportent de la mer. Et cecy a esté veu par beaucoup de gens. Et de cecy nul ne se doibt esmerveiller. Car tout ainsi que Dieu a créé beaucoup de choses en la terre, aultant en a créé en la mer, et
LA COSMOGRAPHIE
davantaige. Et de Cochyn au cap Cumery y a vingt lieues et la route gist nor norouest et su suest. Et est le (cap) de Cumeryn par les sept degrez et demy de la haulteur du polie artique. Toutes ces terres depuys la rivière Idus j risques au cap Cumery sont toutes bonnes terres et riches. Et y a en icelles de bons portz, et les meilleurs d’iceulx est Callicou et Cochyn. A Cochyn y a ung chasteau lequel tient pour le Roy de Portugal, et icy se chargent toutes les espisseries qui viennent en Portugal. En ceste terre, y a une vienne de terre qui est comme une myne, laquelle l’on appelle salmandrye, laquelle l’on pille fort j risques ad ce quelle vienne en escume. Et de ceste escrime se fille ring fillet fort doulge, et le tessent comme nous faisons icy la thoille. Après qu’il est tessè, le mectent au feu parmy la cendre, et ainsy se faict heure (om bure) et se faict blanc, et se faict aussi blanc que neige. Et est appellèe ladicte thoille finebasse qui est plus fin que thoilles d’01ande,et en vault,une aulne, plus que quatre d’Olande. Et du cap Camaryn tourne la coste au nordest jusqries au cap de l’isle de Célan, et jusques à la rivière de Bengalie descend cinquante lieues. Cèlan est bonne isle et est instituée nordest et surouest, et a quarente lieues de longitude et vingt cinq de latitude, je dictz quarente lieues de nordoest et surest, et vingt cinq lieues de norouest et suest. Et en ladicte isle croist la canelle, et les arbres en quoy elle croist, sont de fasson de couldres. Et est le cap de ladicte isle, devers le surouest, à six degrez de la haulteur du polie artique. Et ledict cap est l’est et ouest avec le cap de la Troppebonne aultrement appellé Magabar, et, entre l’un et l’aultre, y a six cens lieues. Et le cap du nordest de ladicte est par les huyt
LA COSMOGRAPHIE
degrez et demy de la haulteur du polie artique. Et les d’auprès (sfc) de ladicte isle de Célan sont qui sont (szV) du cousté du norouest par les neuf degrez, de la haulteur du polie artique. Célan est bonne isle et riche, et est royaulme sur soy, en laquelle se cueullent forces poyvres, piarres précieuses, canelles. Et, entre la terre et elle, se cueullent forces perles orientalles. Et entre la terre et elle n’y a que cinq ou six lieues de largeur de chenal, et, en ce chenal, y a forces pures perles. Et du commencement du cap Camary gist la coste nordest et surouest jusques au golfe de sainct Biaise. Et au surouest de cette isle environ quarente lieues en la mer, F» 145 V'. sont les isles de Maldives qui sont au nombre' quatre milles isles, lesquelles sont establyes norouest et suest, et sont toutes peuplées de gens appeliez Mallayes. Eten elles se faict force soye ; car elles sont toutes plaines d’amoriers portant soye. Et tous les ans se chargent plusieurs navires de soye de toutes les parties. Et les dictes isles prenent bien de mer, norouest et suest, six vingtz lieues de longitude et vingt de latitude, sans ce que l’une se départe de l’aultre, et sont toutes terres basses p.ar la plus grand part. Et, en l’est suest de ladicte isle de Célan, en la mer, y a deux isles, lesquelles s’appellent les isles d’Or ', et la ligne esquynocialle passe par dessus elle. Et, de la baye de sainct Biaise jusques cà Tance du Bengalie, la coste gist nord nordest et su surouest. Et y a entre les deux ung cap qui boute bien dix lieues en la mer. Bengalie est par les quinze degrez de la haulteur du polie artique, et toute Tance est plaine de bans et de baptures. L’on ne peult entrer
