Bengale

LA COSMOGRAPHIE

et Allemans, et sont grandz hommes, et sont idolastres, et painctent leurs idolles noirs, et sont gens qui entretiennent justice, et painctent la figure du dyable blanche. La rivière du Gange est la meilleure et la plus grande de toutes les Indes et de toute la pomme du monde et descend des montaignes Emodes ^ et Imées, et va à l’austre midy jusques à la ville qui est appellée la ville du Gange. Et passé la ville du Gange retourne en oriant jusques à Fisle de Palymprote - que ladicte rivière de Gange faict. Geste isle est fort grande et est si grande que c’est ung royaulme. Et au dessoubz d’elle s’assemble ladicte rivière du Gange, et en elle a une ville qui s’appelle Palymprote L dequoy ladicte isle prent le nom. Et icy se tient le roy de ladicte isle, et est si puissant qu’il peult faire deux cens mil hommes de pied et vingt mille de cheval et trois mil elléfans. Car les roys des Indes ont pour coustume de n’aller point à la guerre s’ilz ne mènent des elléfans. Sur quoy ilz font ung angyn, en manière de chasteau, de tables de cèdres et de cypretz, là où ilz mectent cinquante ou cent archiers dedans pour combattre. Entre cette rivière du Gange et la rivière Pavyn, est la ferre fort bonne et fertille, et en ceste terre sont les gens Sophistes qui sont grandz médicins et devineurs. Et en la terre de ceulx icy y a une montaigne de sel, laquelle fournist beaucoup de provinces, et aultres montaignes là où il y a de l’or. En oriant de

1. C’est une traduction du nom d’Emodus, qui désigne l’Himalaya dans l’antiquité.