V. Arapica, ci-dessus
4. Topinabaulx, Anassoux, Tabajares. Dans Wytfliet et Magin on y indique les Toupinamboutii et les Tabaiares ; les Toupinambous auraient été rencontrés par Americ Vespuce dans son voyage de découverte de 1501.
LA COSMOGRAPHIE
pas estre mangée. Et ainsi font à la femme comme à l’homme quant ilz la tiennent prisonnière. Et cecy se faict en toute la terre du Brésil et prennent aultant de femmes qui veullent, et sont fort léalles. Car depuys quelles sont à ung homme, pour mourir elles ne s’abandonneroyent à ung aultre. Et sont bonnes gens à nous aultres Xprestiens et est bien heureux celluy qui en peult avoir ung pour nourrir.
Et à la rivière de Para commence la rivière des Anassoux qui sont bonnes gens. Entre la rivière de Para et la rivière de Tous les Sainctz est le Port Réal qui est bon port et bonne rivière. En toute ceste coste du Brésil y croist une manière de meil, lequel est fort bon et vient en manière de materatz, et faict fort bonne farine. Aussi y a en icelle coste une manière de racine qui est fort bonne, et y a une manière d’aultres fruictz qui semblent à artichaulx, ung peu plus grandz, et s’appellent amanatz, et sentent si bon quant ilz sont murs, que la maison en sent toute, et sont bons et ont saveur de seucre et de conserve. Aussi y a en icelle terre forces poulies blanches comme celles de nostre pays, et aultres plusieurs vollatrices (ou vollatines) comme faisans, perdrix, et une aultre manière d’oyseaulx noirs qui ont le bec rouge et sont fort bons à manger. Et si y a forces chasses aultant et plus que où pays de France, tant de bestes saulvaiges que privées. Et ceste manière de gens croyent qu’il y a Dieu aux cieulx, et l’appellent Toutpan. Et ne sçavent compter que par les lunes et se resjoissent fort avec la lune. Et quant la lune est plaine, ne font aultre chose que danser toute la nuict et eulx resjoyr, et sont communs au boire et au manger, et prenent chacun quatre ou cinq femmes. Et leur sont
LA COSMOGRAPHIE
lesdictes femmes fort léalles. Et quant elles sont à marier, peuvent faire de leur corps ce qu’il leur plairra. Et, après quelles sont mariées, elles n’ont point affaire à d’aultre que à leurs maritz et sont chastes envers eulx. Et nous appellent, nous aultres Françoys, Caraybles. Tournant à parler de la mer, je dictz que la baye de Tous les Sainctz a, au dedans, une petite isle qui est entre deux bonnes rivières. La terre n’est pas fort haulte. Les gens sont tous nudz tant hommes que femmes, de toute la coste du Brésil. Et comme j’ay dict, mangent leurs ennemys. De la baye de Tous les Sainctz jusques au port nommé le Port Sur ‘ y a quatre vingtz lieues et la route gist nord et su, et prent ung quart de nordest et surouest. Port Sur est à dix sept degrez de la haulteur du polie antartique. Et icy ont commancé les F» i55 v“. Portugalloys à peuplier (5/r) la terre et à y semer du bled, lequel y vient fort bien, et faire seniorie (on Ut senire). Et est port sur ung bon port et une bonne rivière. Et de Port Sur jusques au Port neuf de Beauport ^ y a cent dix lieues, et gist la route nord nordest et su surouest. Et est la coste toute dangereuse de bans et de rochiers qui entrent bien trente ou quarente lieues en la mer. Et en la mer des Rochiers, à deux cens cinquante lieues, y a six isles La première est à douze lieues de terre, et les aultres sont l’une suyvant l’aultre, en manière que de la plus loing en la mer, droict en oriant, y a bien deux cens cinquante lieues de la terre des Rochiers, et sont l’une des aultres quasi l’est et ouest. Et celle qui est la plus avant en la mer se
1. Port Assuré, dans Wytfliet et Anthoine Magin. Porto Seguro.
