I. Rio Sinu
LA COSMOGRAPHIE
aussi en la terre de Cénu qui est à dix lieues de la mer sur la rivière, et en icelle les fondent et mectent en lingotz. Geste terre de Cénu est fertille de vivres d’icelle, à l’usance du pays. Le vin qui boyvent, est d’une racine qu’ilz appellent maye, ainsi qu’ilz font cà Carthagène, et mangent pain de racines, comme ès isles de Coube, Jamaïque et à l’Espaignolle, que l’on appelle pain de cassade, et de luy font eschauldés et gros pain ; et est bon durant qu’il est frais ou servi avec le boullon de la chair. La racine est d’une aultre qualité que celle desdictes isles à cause du climat. Toutesfoys tout est une racine. D’aultant que celles des isles sont mauvaises quant elles sont vertes. Car si ung homme en mange, estans vertes, il en meurt. Et celles icy de la terre de Cénu sont bonnes tant vertes que meures, et les mangent toutes creues sans qu’elles leur facent aulcun mal. Les gens de la terre de Cénu sont bonnes gens et véritables en tous leurs affaires. Et de ceste rivière de Cénu à la baye d’Uraba ', y a vingt et cinq lieues, et la coste gist nordest et surouest. Et est la baye d’Uraba par les huyt degrez de la haulteur du polie artique. Et est la terre d’Uraba montaigneuse et piarreuse. Les gens sont maulvaises gens et sont canyballes qui mangent chair humaine et usent d’ars et fleiches empoisonnez. A cinq lieues de la rivière de Cénu, du cousté de l’ouest, y a une (isle) appellée l’Isle Forte L qui n’est que cà une lieue de la terre. Et icy se faict force sel. Auprès de la baye d’Uraba y a une aultre nommée La Tortue A Ladicte baye d’Uraba
1. Aujourd’hui le golfe d’Uraba ou de Darien {Neptum de 1807 et 1823).
2. Ile Fuerte, au nord de la pointe Broquetes (Neptune de 1807; Kerhallet, loc. cit.).
3. Ile Tortuguilla (Neptune de 1807) ; Ile de la Tortuguilla (Kerhallet, /oc. cit.).
LA COSMOGRAPHIE
entre quatorze lieues dedans la terre, et a de largeur sept lieues. Et au dedans auprès du cap, n’a que quatre lieues de largeur. Et à l’entrée du cousté de l’est, y a ung maulvais rochier dangereux qui entre plus de deux lieues en la mer, et est dangereux et va quasi jusques au meilleu de la baye. Au meilleu de la baye, du cousté de l’ouest, cinq lieues au dedans, est le ' vilaige appelé Darien lequel est peuplé d’Espaignolz, et icy se trouve de fin or en une rivière qui descend d’une haulte montaigne. Et en ceste montaigne y a forces tigres et lyons et diverses bestes saulvaiges ; et entre aultres y a une manière de chatz, lesquelz ressemblent à cinges, sinon qu’ilz ont la queue longue et sont fort gros. Aussi y a forces porceaulx sangliers ; et y a une aultre manière de bestes aussi grandes comme vaiches et aussi charnues, et sont de coulleur grise et sandrée, et ont les piedz comme une vaiche et la teste comme une mulle, et ont les aurelles aussi grandes que asnes. Et les appellent vaiches sans corne parcequ’elles n’ont point de cornes, et ont la chair beaucoup meilleure que la chair des beufz et vaiches de France. Et les ay veues. Et y a des léopars et des tigres. Toutesfoys je n’en y ay point veu. Ladicte rivière passe par le meilleu du Dare, et, en la rivière du Dare, davant la ville, et tout au long ladicte rivière, y a des lizars aussi grandz que beufz, et se tiennent communément en l’eaue, et aulcunes foys descendent sur les sablons. Et si quelques personnes ou bestes approuchent de l’eaue, ilz les prenent et les mangent en l’eaue. Et sont garniz d’escailles depuys la teste jusques à la queue, laquelle es-
