Sur l’isthme et le golfe de Darien
LA COSMOGRAPHIE
. Goulphe de Urabba. — 2. Nombre de Dieux. — 3. Une partye de La Neufve Espaigne. — 4. La mer Pacifficque.
LA COSMOGRAPHIE
caille est plus dure que acier. Et est impossible de les tuer, si on ne les tue par dessoubz le ventre. Hz ont trois piedz de gueulle quant ilz Feuvrent, et de chacun cousté de la gueulle ont doubles dentz. Et sont les plus fortes bestes que je aye point veues.Ilz ont la chair aussi blanche comme pappier, et est bonne à menger, et ladicte chair a senteur de musqué et en mangent les gens du pays et aultres qui y vont, tant que des tigres que des lyons, et sont les tigres plus grandz que les lyons et sont beaucoup plus fortz. Mais si est ce qui sont beaucoup plus pesans et sont fort paoreux et n’ont pas telle cueur comme ont les lyons. Hz n’osent assaillir ung homme embastonné. Lesdictz lizars au moys de janvier, de febvrier et de décembre font leurs petitz en ceste manière, qui est qu’ilz sortent de l’eaue et s’en viennent és sables là où le soleil se tient la plus part du temps, et avec leurs pâtes font leurs nidz dedans ledict sable, et en ice lluy ponnent oeufz ; puys après les couvrent dudict sable, et vient que de la challeurdud ict soleil s’engendrent lesdictz lizars. Et après qu’ilz sont hors de l’œuf, sortent des sables et s’en vont à l’eaue. Les oeufz d’iceulx lizars sont aussi gros que oeufz d’autruce. Toutesfoys ilz n’ont point de coque et n’ont seullement que la peau. Et quant ilz sont fraiz, ilz sont bons à manger. Et la lizarde en pond aulcunesfoys soixante ou quatre vingtz, et sont de mesme fasson que les oeufz de poulies, sinon qu’ilz sont plus gros et n’ont point de coque. Et y a une aultre manière de bestes qu’ilz appellent yaganes, lesquelles sont aussi grandes que lesdictz lizars et ont la teste ronde, et sont couvertes depuys la teste jusques à la queue d’espictz poignans, et sont horribles à veoir, et sont de coulleur grise. Et
LA COSMOGRAPHIE
ceulx icy se tiennent par les buissons et ne font aulcun mal et sont bons à manger. La chair de cesdictes bestes est fort prisée en ladicte terre par les gens d’icelle. Les oeufz desdictes bestes sont meilleurs que ceulx des aultres bestes, tant de poulies que aultres. En ceste terre y a forces pans et de diverses manières et coulleurs, et sont bons à manger. Et y aussi forces perroquetz vertz,et y en a F» 170 r. de grandz de diversses couleurs. Et en ceste coste y a force pescherie de fort bon poisson, et y a grand quantité d’arbres de palmes et ont le fruict gros comme oeufz et ) aulne comme ung coing et de grand substance. Et en ceste terre y a une manière de petites bestes comme ung couchon d’un moys,qui ont les piedz comme une mulle, et la teste comme ung cheval, 'et sont tous couvertz d’une coquille depuys les aureilles jusques à la queue et semblent que ce soyent chevaulx bardez. Et en ceste terre y a grand quantité de cougnitz et perdriz. Et le pain et le vin est faict de mays, ainsi que dessus est dict. Les gens sont bien dispotz et sont idolastres et pires, car ilz croyent qu’il n’y a aultre chose en l’homme que de vivre et mourir. Et quant le corps est mort, il leur (est) advis que tout est mort, et n’ont point l’intelligence de ceste ame immortelle, mais croyent que icelle meurt avec le corps. Ce sont gens de grand honneur, et portent grand honneur à leurroyetà leur seigneur, et nomment leur roy ou seigneur Tiba, et à ung aultre maindre que luy, l’appellent Guy vis. Et davant Darien entrent d’aultres grandez rivières. Toutesfoys elles sont sommes, en manière qu’il n’y peult entrer navires, sinon des basteaulx. En la baye de Uraba ^
I. Baie ou bouche de Uraba dans le golfe de Darien (Neptune de 1823). V. plus haut.
LA COSMOGRAPHIE
descent la rivière par sept entrées qui sont toutes sommes, en manière qu’il n’y peult entrer navires, sinon petites barques, et au dedans est fort proffund. Et enviviron quarente lieues en la terre se assemble une aultre rivière qui vient de cousté de l’est de la montaigne, d’où vient la rivière de Cénu. Et la première rivière qui se assemble, vient de Dabayne L Et en cesdictes rivières y a mynes d’or et d’argent. Et y a esté trouvé pièce d’or fin qui pesoit sept et huyt livres. En la terre le long ceste rivière y a forces marescaiges. Et l’habitation des gens de ceste rivière est és arbres, à cause desdicts marescaiges, et sont tous pescheurs. La baye de Uraba a, de l’aultre cousté de l’austremidy, en la mer Paciffye, la baye deSainct Michel ^ et y a de l’ung à l’aultre vingt et cinq lieues. Et au goulphe d’Uraba, la mer n’y croist point. Et en la baye de Sainct Michel, la marée haulse aultant quelle faict à La Rochelle. Et entre les deux bayes de Sainct Michel et d’Uraba, la terre n’a point plus de largeur de l’un à l’aultre que deux ou trois lieues. Nous avons parlé du goulphe d’Uraba qui est en la mer Occéane, et après parlerons du goulphe de Sainct Michel qui est en la mer Paciffique. D’Uraba jusques au port de Carrette ^ y a quinze lieues, et gist la route norouest et suest. Le cap de Carrette est à neuf degrez de la
1. Serait-ce San Bernardo de Viente {Neptune de 182 3), sur la rive gauche du Rio Sinu, ou San Nicolao de Cispata et Santa Cruz de Lorica, sur la rive droite de la même rivière (Kerhallet, loc. cit.) ?
2. G. S. Miquel (Colombie), sur le golfe de Panama ou Darrien du Sud {Neptune de. 1823).
3. Le P. Carreto sur le golfe de Darien à 15 lieues au nord d’Uraba. V. Pic de Careio {Neptune de 1823); de Carreto {Neptune de 1826) ; les pic, pointe et basses de Carreto, avec un port (Kerhallet, loc. cit.).
LA COSMOGRAPHIE
haulteiir du polie artique, et de Carrette à Port Perdu ' y a huyt lieues. Et là gist la route de Port Perdu norouest et suest. Et est Port Perdu à neuf degrez et demy de la haulteur du polie artique. Et de Port Perdu gist la coste l’est suest et ouest norouest j risques au Nombre de Dieu. Et est le Nombre de Dieu ^ par les dix degrez et demy de la haulteur du polie artique. Et entre les deux, est le port de Connil et le port Conrrose ^ et la baye de Sainct-Blaise. Et y a de Port Perdu à la baye de Connil sept lieues, et de Connil à Conrrose, y a six lieues, et de Corrose à la baye de Sainct Biaise y a cinq lieues. Et de la baye de Sainct Biaise à Nombre de Dieu, y a six lieues. Et en tout ce pays, les hommes sont appeliez hometz (ou houretz) et les femmes ires, et dient que c’est à dire : nation d’Ire. Les hommes vont tous nudz et mectent leurs parties pudibundes en de ces gros lumatz de mer qu’ilz lient avec une saincture. Les ungs font une aultre manière de lumat qui est d’or, ouquel aussi ilz mettent leursdictes parties pudibundes, et les femmes sont couvertes, depuys la saincture en bas, de draps de couton, et portent forces joyaulx et draines d’or, qui est or de dix ou douze touches. Et de ceste terre à la mer du Su ^ qui est dicte mer F» 171 r». Paciffique, où se commence la mer du Pérou, n’y a que
1. Serait-ce la baie et le marais de Putrigandi, qui servent à se diriger sur les canaux des environs (Neptune de 1823, Kerhallet, loc. cit.) ?
2. Nombre de Dieu, au sud de la rivière Chagre (Wytfliet et Magin). Nombre de Dieu, port (Kerhallet, loc. cit.). Il y a la montagne de Nombre de Dios, au pied de laquelle se trouve Porto Bello [Neptune àQ 1807, de 1823), et le port S. Felipe de Porto Buello.
