Sans doute la baie de Fundy
LA COSMOGRAPHIE
boulz) lesquelz ressemblent à cerisiers. Et y a des cèdres fort gros ; aussi y a forces noix et nusilles, et y a esté trouvé prunes rouges, de manière de ces prunes que nous appelions coubrejau. Aussi y a forces poix de la nature de la terre et forces grouselles et fraizes. Aussi y a forces bestes saulvaiges comme cerfz, biches, porcs espitz, outardes, grues, oyes saulvaiges, chocas (ou chouds ou hotades), tourtres, corbins, grolles aillés et plusieurs aultres oyseaulx et bestes, et y a de petitz serppens comme yl y a en France et de la mesme sorte. Et dient les saulvaiges qu’il y a des lycornes. Et toute chose que l’on y sème, n’est que deux ou trois jours à venir sur terre. Le bled y croist si bien que j’ay compté en une espy de bled six vingtz grains, mesme grain que celluy de France, lequel avoit faict semer Jacques Quartier. Et la terre est si bonne que si vous le semez en mars, il sera mûr à la my aoust. Les eaues y sont beaucoup meilleures quelles ne sont en France, et mon advis est tel que si la terre estoit labourée et plaine de gens, quelle seroit aussi chaulde que La Rochelle. Et qui cause qu’il y neige si souvent, c’est que quant il pleut, la pluye se convertist en neige, et n’y pleut sinon de vent vers oriant. Et devers occident n’y pleut point. Et devers le vent de septentrion y a abundance de neiges, et y neige si fort en novembre, décembre, janvier et febvrier que la neige monte bien environ la haulteur de six piedz. Il y a d’aussi belles foretz comme est au monde possible de veoir. En ceste mer de Canada, y a ung poisson en fasson de ballaine, quasi aussi grand, et est blanc comme neige, et a la gueulle comme ung cheval. Et y a aultres poissons lesquelz aussi semblent à elléfans, et ont corne comme lesdictz elléfans et des-
Alfonse
LA COSMOGRAPHIE
cendent en terre. Et y a de petitz marsouyns qui ne sont point plus grandz que tonynes. Et y en a d’aultres aussi grandz que petites ballaines, lesquelz sont appeliez chevaulx, et se gectent en l’air à plus de dix brasses de hault. Et y a d’aultres poissons que nous appelions esturjons.
Puisque nous avons parlé de la coste de la Terre Neufve jusques au septentrion et jusques à la terre du Laboureur et de la mer de la Nouvelle France appellée Canada, c’est raison de parler du cap de Ratz, en suyvant F» i83 V». la coste de la Franciscane jusques cà la Fleuride et Tance du Figuier, devers les eptentrion. Le cap de Ratz, comme j’ay dict, est à quarente et sept degrez moins dix mynutes de la haulteur du polie artique. Ledict cap et le port Sainct Xpristofle ' sont l’est et ouest, et prenent ung quart de norouest et suest. Et y a de l’un à Taultre neuf lieues. Le cap de Chinchéte ^ est auprès de la pescherie Sainct Xpristofle. Le cap de Saincte-Marie et les isles de Sainct Pierre sont Test suest et ouest nordouest. Et y a, en la traverse, quarente et six lieues. Et quant vous partirez du cap de Ratz, sept ou huyt lieues en la mer, irez, cà ouest norouest, quérir les isles de Sainct-Pierre, pour raison que calentour du cap, et au long la coste, y a des rochiers qui boutent loing en la mer et sont dangereux. Et du cap de Ratz jusques aux isles de Sainct- Pierre y a qucarente lieues. Et si vous vouliez aller par le destroict des Bretons, passerez bort à bort du Coulombier, de quelque cousté que vous vouldrez. Ce Colombier est ung islet, et est dict Colombier parcequ’il
