Sans doute le comté de Foix

LA COSMOGRAPHIE

articque. Ladicte rivière passe davant la ville de Bourdeaulx qu’est la capitalle ville de Gascongne, et jusques icy est navigable degrandz navires. Tout le long de la F“ 4G r. rivière de Garonne est terre fertille de bledz, vins et de tous aultres vivres, tant beufz que aultre bestial. Bourdeaulx est une belle ville bien peuplée en laquelle y a parlement. Les gens sont belles gens tant hommes que femmes. Et au dessoubs, quatre ou cinq lieues, descent une aultre rivière qui s’assemble en ceste cy, et d’icy en bas s’appelle la rivière Gironde. Ceste rivière passe par le pays de Pèrigueux, par Castillon et par la ville de Lyborne, et s’appelle, ladicte rivière, Dourdogne. Au département de ceste rivière, le flot y court fort et et est dangerès. Les navires vont jusques cà la ville de Lyborne, grandz et petitz. La terre d’entre ces deux rivières s’appelle Entre deux Mars ’ et est le meilleur pays de toute Gascongne. Et de Blays'en bas s’appelle Gironde; laquelle descend en la mer Occéanne par les trente six degrez. De l’entrée de la rivière à La Rochelle y a douze lieues, et la route gist nord et su et prent ung quart de norouest et suest. Entre ladicte rivière de Gironde et La Rochelle, y a une grande isle qui est dicte Olleron, et cà terre d’elle y a plusieurs isles là où se faict force sel, et y a une rivière laquelle s’appelle la rivière de Charante, et, au temps passé, s’appeloit Elagot, laquelle passe auprès d’Angolesme et par la ville de Coignac et par la ville de Sainctes et par les meilleures terres et plus fertilles du royaulme de France, pour ce'qu’elle contient et vient d’une fontaine son commancement. Et à sa descente à la mer y a trois ou qua-