I. Entre Deux Mers

LA COSMOGRAPHIE 15 1

tre petites isles. La rivière et lesdictes isles sont par les quarente six degrez et demy de la haulteur du polie articque. En ladicte isle d’Olleron aultresfoys a eu grande navigation de navires. Icy a été faict le coustumier et régime de la mer qui s’appelle La Feulle d’Olleron ^ par lequel les mariniers se gouvernoyent. Cette isle est bonne de vins, bledz et sel, et à la terre d’elle ne sont que isles, ausquelles se faict force sel, comme Maraine ^ et Brouaige. A la terre d’elle y a aussi une isle qui s’appelle l’isle d’Ays. A l’entour de ladicte isle y a aulcuns rochiers et de petites isles, et cà la terre d’elle est la tour de Chastelaillon qui aultrefoys a été ville principalle. Et La Rochelle a esté fondée d’elle. Et toutes ses terres s’appellent la province de Xainctonges qui sont fertilles tant de vins, bledz que de sel. Et de ladicte isle cà la Rochelle y a quatre lieues. Le bout de l’isle d’Olleron du cousté du nord est par les quarente et six degrez et deux tiers de degré, et La Rochelle à quarente et six degrez et trois quartz de la haulteur du polie articque. La Rochelle est une bonne ville en laquelle abundent forces marchans et navires de estranges pays. Et à la terre d’elle croist force vin, bled et sel. Et est appelé le pays d’Aunys et est en la province de Xainctonges. Et est faicte comme une isle. Les habitans sont adonnez au faict de marchandise et à penne et travail. Et toutes nations estranges sont en icelle bien venuz en temps de patience et s’ilz ne sont point cruelz. Devers l’ouest de ladicte Rochelle, y a une isle platte. Ladicte isle est establye l’est et ouest, et a de longitude cinq ou six lieues.