Les Cévennes

5. Le Ras Fonteneau. Au sud de la pointe du Ratz est la pointe de Feunteunot, dans la commune de Plogoff (Finistère).

LA COSMOGRAPHIE

comme j’ay dict de l’Isle Dieu. Et entre Belle Isle et la rivière de Loire est le port de Guerrande et du Croisic.

Le Croisic est comme une isle. Et en ce lieu se faict ^“4^ force sel. Et à la terre de Belle Isle y a beaucoup d’aultres isles, et y a bon port, et s’appelle ledict port Morbian et Venues L De Belle Isle à Groye y a seze lieues, et entre Belle Isle et Groye y a ung maulvais rochier, et aussi toute la coste est fort dangereuse de rochiers.

Toute ceste coste depuys le Croisil (sic) jusques au port de Sainct Brieu s’appelle la Basse Bretaigne, et est une nation de gens sur soy et n’ont amitié à aultres milles nations. Sont gens de grand penne et travail. La terre est quelque peu montaigneuse et est fertille de bled et bestial. Belle Isle est à quarente et huyt degrez de la haulteur du polie articque. L’entrée de Morbyan y a force rochiers d’ung cousté et d’aultre. Et fault aller au long d’ung islet et le laisser à la main gaulche à la longueur d’un cable. Et de l’entrée de Morbian cà l’entrée de Blavet y a sept lieues, et est la coste dangereuse de rochiers, et la coste gist l’est et ouest. Et par le meilleu de l’entrée de Blavet y a ung rochier, et pouvez aller de quelque cousté que vous vouliez. Au sus de Blavet, environ trois lieues, est l’isle de Groye qu’est une belle isle platte, haulte, en bonne manière, et est bonne isle fertille. De Groye aux isles de Glanan ^ y a huyt lieues et les isles de Glanan sont plusieurs petites roches avec une petite isle au meilleu ; et du costé devers le nord est de cette isle y a bon ancoraige pour navires, et en la terre ferme de cette isle est le chasteau