Iles Glénans ou Glanan

LA COSMOGRAPHIE

de Conquerneau ' qu’est une force place; et au nord desdictes isles est le port de Benaudet qu’est l’entrée de la ville de Camper Corantin A Ladicte entrée de Benaudet et les isles sont par les quarente huyt degrez et demy de la haulteur du polie articque. Des isles de Glanan cà Pesmarc y a cinq lieues, et la route gist l’est et ouest et prent un quart de norouest et suest. Davant Pesmarc ne sont que rochiers qui entrent demye lieue en la mer, et entre ces rochiers y gardent leurs navires.

“ 48 V». Pesmarc est ung grand peuple et ont forces navires, les meilleurs de toute la Basse Bretaigne. De Pesmarc aux Ratz 4 y a deux lieues, et la route gist l’est suest et ouest norouest, et est bonne coste et saine sans aulcun dangier. Geste coste s’appelle la coste d’Odierne En toute Bretaigne, n’y a point de grandes rivières, sinon petites. Tous les portz sont d’eaue sallée sinon la rivière de Loire qui descend en la mer en la coste de Bretaigne. Le Ratz est ung beau cap d’une terre assés haulte et du cousté de l’ouest de luy y a une isle nommée le Sayn et est environ trois lieues- du cap en la mer, et est peuplée de gens bretons et est toute environnée de rochiers dangereux. Et en la mer d’elle, cinq lieues, à l’ouest, y a un maulvais rochier qui s’appelle Bassefroide 7. Et à l’entour de cette isle et aux Ratz, l’eaue y court en grande manière. L’isle et le Bec du Ratz, sont