La roche de Bassefroide porte encore ce nom

LA COSMOGRAPHIE

par les quarente huyt degrez et deux tiers de la haulteur du polie articque. Et si vouliez passer par le Ratz, passerez auprès d’une roche platte qui est couverte, et ne paroist guère sinon de grand mer. Toutesfoys vous verrez son brisant, et la laisserez du costè devers le cap; quant vous entrerez pour aller vers Sainct Mahel, la laisserez à la main droite qui est estribort. Et quant vous viendrez dudict Sainct Mahel, vous la lairrez du côté de la main gaulche qui est babort. Et pouvez passer à demy cable d’elle, car tout est sain. Les Ratz Fonteneaux et les Ratz Sainct Mahè sont nord et su. Sayn et Ouissant sont nord et su. Et y a douze lieues de l’un à l’aultre. Et du Ratz Sainct Mahè ' aux Ratz Fonteneau y a dix lieues, et, entre les deux, est la baye de Pont Davys " et la baye de Brest qui est le meilleur port de toute Bretaigne. Et cecy s’appelle la coste de Cornouaille ^ là où sont les bons chappons. Brest est ung fort chasteau et est par les quarente et neuf degrez de la haulteur du polie articque. En ceste coste et à l’antrée de Brest y a forces rochiers dangereux à ceulx qui ne les congnoissent, et le meilleur est entrer, pour navires, de basse mer, à ceulx qui ne le congnoissent point. Au norouest et à l’ouest norouest de la baye de Brest, sont les isles de Moulines ^ et d’Ouixant qui sont toutes environnées de rochiers. Le bout d’Ouixant du costè du nord est par les quarente et neuf degrez et ung quart de la haulteur du polie articque, et devers le