Le Conquet et Saint-Mathieu

4. La Vinatiére. La grande et la Petite Vinoiière, au nord de la pointe de Kerniorvan.

LA COSMOGRAPHIE

de Porsal ' qui est pour petitz navires, Brauerac -, l’isle de Bas Morlés 4, et ne sont que rochiers. Toutesfoys à qui bien congnoist le chenal, y peuvent entrer tous navires. Le port de Porsac est bon pour petitz navires. Toute ceste coste s’appelle la coste de Lyon ^ et y a en elle liuyt isles. La première est l’isle de Bas, et les sept isles ; l’isle de Breac ^ ; et n’y a que ceste cy et l’isle de Bas qui soyent peuplées de gens, et fault que les navires aillent entre les rochiers pour eulx saulver, et fault qu’il y ayt de gens sçavans qui bien entendent le faict, ou aultrement qui ne si fourrent poinct. La marée d’une grand mer haulse et baisse bien sept ou huit brasses. Cette isle et cette coste sont par les cinquante degrez. L’eaue y court terriblement fort. Entre cette isle et Sainct Mallo, y a le port de Sainct Brieu et Port neuf '< qui est bon port. Sainct Mallo est une isle et est une petite ville forte, et icy descend une petite rivière, et à l’entour d’elle y a d’aultres isles et forces rochiers. Comme j’ay dict, l’eaue y court fort. Et cecy est desjà la haulte Bretaigne, là où on parle françoys. De Sainct Mallo aux Ratz Blanchart^, y a trente lieues ; et la coste gist nordest et surouest, et prent un quart de l’est et ouest. Et entre les deux est le gouffre Sainct Michel, là où la marée amplie en deux heures, et mect quatre à vuyder.